Seoul Shiok (裝修中)

又嚟到旺角食飯😛記得之前The Forest有幾間餐廳都幾好食又坐得舒服就去行吓😆發現之前有間幾正嘅星馬菜轉咗做韓國菜，講起都有啲回味🤤不過見呢間韓國菜菜式選擇都幾多，又唔太貴就試吓😛🧈香葱飛魚籽美奶滋鷄蛋卷 ($108)蛋卷以葱花點綴，再加上大量飛魚籽叫人點抵抗🤤雞蛋卷又甜又滑，同美奶滋真係好夾🤗🥩韓式烤牛肉 ($138)牛肉都幾大碟😁牛肉色澤鮮艷，烤得香口😋甜甜嘅醬汁配雜菜好豐富，另外送上生菜、辣椒粒同蒜粒🧄清新又解膩👍🏻🥘嫩豆腐鍋 ($88)最初比呢個紅色嚇親😳以為會好辣🫣好彩係帶微甜嘅辣，容易接受嘅辣度😝豆腐同蔬菜拌辣湯好惹味如果配埋白飯仲正😋🧀瀑布拉芝士海鮮炒飯 ($138)呢個勁打卡🤩泡菜炒飯周邊圍滿芝士🧀店員先用火槍燒熔芝士，再起勁撈勻炒飯🥘過程好香，仲要見住拉絲芝士真係好吸引🤤香香辣辣嘅炒飯滿佈芝士口感，真係叫人停唔到口🤭🍋韓式檸檬冰紅茶 ($48)