鴨大哥 (太古坊)

营业中

休息中

平時鰂魚涌多數係辦公時間先會多人，估唔到呢度開咗間片皮鴨中菜周末夜晚非辦公時間都好多人，咁梗係即刻要試吓佢係咪真係咁好食🙈🦆北京填鴨(半隻) 皮脆肉嫩，有一層薄薄嘅脂肪係皮下面，食落去會更加重油脂香味。加上有唔同嘅配料，加埋就係好好食嘅片皮鴨。如果淨係想食皮嘅話，餐廳亦都有提供黑糖俾你淨係點皮食。🍖雲南黑土豬叉燒 超邪惡嘅半肥瘦叉燒，肉質較淋，入味得嚟唔會太鹹，呢個超好送飯。🍐桂花雪梨脆鱔球 有桂花同雪梨香嘅鱔球，炸得香脆、肉質肥美、唔會太重腥味，但係小心會有少少幼骨，不過係可以食得落肚嗰啲。