鞍下熟成肉

营业中

休息中

話說我最鍾意食燒肉 去親日本都一定要燒幾轉先返黎 返到香港好難搵到高質嘅燒肉 就算有都可能好貴今次嚟到尖沙嘴新開嘅鞍下熟成肉 因為我哋第一日一開張就去 所以都冇話好多人 雖然新開張 但食物同服務質素都比我預期高超級多🤣首先講咗嗰飯先！我同朋友總共食咗四個飯 而我自己食咗3/4..（你冇睇錯 我自己真係食咗三碗😅) 嗰飯其實就係好似牛角飯咁🤣不過我覺得啲飯比牛角嘅更軟更好食😋我自己就冇加玉子 但聽朋友講都唔錯呢！到重頭戲 就係啲牛牛啦！店長好好 親自示範 燒一次比我哋睇 仲有講解點咩醬汁好食啲比我哋聽 其中我印象最深刻嘅莫過於zabuton同rump 呢兩隻牛真係有種入口即溶嘅感覺 牛身好軟熟 雖然望落去可能油脂好多 但食落一啲都唔好油膩！暫時最驚艷到我嘅係rump！🤣但maki都不相伯仲..但比起rump我覺得牛味會再出啲濃啲 不愧為單價最貴嘅部位呢…嘢飲方面 我哋叫咗三款 分別係乳酸梳打 青森蘋果汁 同埋柚子酒 soda味道同出面嘅都差唔多 但蘋果汁真係好好飲🤣入面好似仲有少少果肉 感覺好清新 而且食完咁多牛飲返一杯可以消下膩🥰柚子酒就真係好柚子🤣不過我唔多飲得 所以飲左兩啖比咗朋友