橋本·串燒

营业中

休息中

天氣開始轉涼，特別想食串燒，今日嚟到新開張既橋本.串燒 😚餐廳外面好有日本特色。前菜叫咗日本支豆、燒雪魚干，燒雪魚干燒到好似薯片咁卜卜脆，超好食會食唔停口🤣日本赤雞翼，燒得岩岩好雞肉多汁夠滑豚肉秋葵卷、豚肉露荀卷兩款都係有蔬菜係裹面，配搭得幾好。燒活鰻夠肥美，魚肉結實，燒得好香脆明太子雞腿肉，啖啖雞肉上面係明太子醬，雞肉滑嫩，同雞肉同明太子醬都幾夾。雞頸肉、雞腎咬落爽口雞皮、雞尾肉都係比較香口自己幾鐘意食燒飯團叫咗明太子同味增味，燒飯團燒到好香脆食落有飯蕉的感覺，再加埋紫菜口感幾特別。串燒本身唔會有好重的調味，食客可以自行調味，當中有檸檬汁、柚子胡椒醬同海鹽。