岩手 ·建 (已結業)

裝修以溫暖木系為主題，裝飾擺設都能夠表現出日式嘅味道。季節刺身三色丼 ($268)正所謂不時不食，刺身係由廚師挑選每日時令當造嘅，今日就係三文魚、帶子、油甘魚、熟成𩶘魚同章紅魚。飯加咗赤醋飯，味道更具層次；刺身已經加咗醬油調味，連豉油都唔洗點。將鮮魚熟成可以增加香氣同口感，魚香濃郁，越食越香。熟成章紅魚口感結實爽口。油甘魚柔軟細滑，魚味濃郁，口感清雅。赤身壽司 ($28)質感軟腍嫩滑，魚味香濃，口感清爽。