廣東燒味餐廳 (已結業)

今日假期，諗住求其係屋企樓下搵野食，無端端發現醉翁館執左，變左做廣東燒味餐廳小廚，不過是但啦為左醫肚，求其食餐晏算啦。一入去，門口同其他燒味餐廳一樣，掛滿燒味，諗住都係碟頭飯一碟，點知有驚喜。睇完餐牌有炒粉面，又有燒味，但見人地隔離枱好多都叫燒味飯，咁所以我決定嗌個去骨海南雞餐，68蚊連熱飲，價錢都算係中等嘅，試下係咪無骨，因為好多餐廳嘅海南雞飯都有⻣，仲要係鞋圾圾嘅雞，一D都唔嫩。碟飯一黎到，份量都算大，雞又滑，最重要係無骨，岩晒我哩個懶人，脾位都可以去骨個師傅真係好犀利。決定下次再黎試下其他燒味