影片
家庭晚餐今晚有老有少一行十人到广东餐厅小厨晚饭，家人喜欢海鲜，餐厅有来料加工服务，价钱为公道市价，于是我因应母亲大人吩咐去街市买了奄仔蟹和新鲜鲍鱼，另再点了九道小菜。橱窗挂满各种广东烧味，然而，那串串挂著几个焦糖色的的东西对我来说颇新奇，不禁停步注目，一问之下原来是市面罕见的传统菜式，金钱鸡 和 蜜汁鸡肝，那当然不能错过，我决定点几个 鸡肝（$8/件）试试，正考虑 金钱鸡（$25/份）可能太肥腻，就不让三高爸爸试了，怎知他进来时早发现了它，而且甫坐下立即嚷著要试，于是也就顺他意点一份来分尝。饭店先送上例汤，是老火花生鸡脚汤，喝著有家的感觉。鸡肝 表面有焦糖色蜜汁，微微焦香，内里软嫩，味道浓郁甘香，绝不输法国鹅肝。金钱鸡 我没试，只知道爸爸吃时频频赞好，还说走时要点一份打包（可惜被我劝止！三高人士，还是浅尝好了！）。我忘记了自己想试 琵琶鸭，点了半只 烧鸭，卖相吸引，大大份，味道也非常不错，果然是做烧味的，绝对对得起自己的招牌。姜葱炒蟹 一来，卖相非常了得！一上桌大家不禁哗哗声，一看就知够镬气，姜葱给得豪爽，火喉刚刚好，葱保持爽嫩，吸收了蟹汁，特别味美，我买的蟹很多蟹羔，蟹羔仍紧紧地留在蟹盖和蟹身没掉甩，可见厨师够功力。陈皮蒸鲍鱼 清理得干净，火喉掌握得不错，肉没有因蒸得过火而变靭。美极中虾 虾肉鲜甜爽口，够镬气，不过咸，薄壳虾连虾壳都能吃，赞！另外我们也点了 豉汁蒸盲𫚧、面酱炒凉瓜、虾酱炒通菜、黑椒牛仔骨、豉椒炒蚬、椒盐鲜鱿，每样的味道合格。萝卜炆牛腩 份量充足，牛腩牛根都很入味，唯萝卜没有焖得足够，不够软林，口感硬，有点令人失望。想不到 净汤米粉 竟给我们惊喜，店家的米粉口感似檬粉，弹牙，亲友吃完一碗又点一碗，十分推介。
继续阅读
平安夜庆祝，顺便庆祝埋小弟升职。食生不如食熟，又嚟到广东食啦！一早订左位，所以人多都唔怕！难得我临时加位调枱都无诈形，今时今日咁嘅服务态度边度揾？野多就唔驶讲啦！试左最新推出嘅酸菜鱼煲！哗！啲汤底好味到我变左烦胶吴若希系咁问「点解嘅！点解嘅？」点解咁好味！我唔食鱼都钟意呢个鱼煲！十分有九分！跟住啲烧味当然唔少得啦！依然系无得顶，想知有几好食？自己过嚟试！我地食大闸蟹，佢地仲贴心煲埋姜茶俾我地驱寒！无得输！
继续阅读
今天如常的很忙，三十几度，老板要我东奔西跑。又或者应该讲系，我有个好老板，衹不过喺office我本来就系要东奔西跑嘅角色，我哋啲西装友喺呢个天时特别辛苦，收工之后我决定 斩料 返屋企同阿妈食好啲。半边烧鹅，有油光好靓，烧鹅肉嘅味道好有鹅肉味，啖啖肉唔算太多骨，唔算鞋口但应该唔算嫩滑，食嘅时候点啲酸梅酱就very good，只系不过斋食嘅话就算系有啲咸。烧肉，烧肉嘅肥肉同瘦肉都算平均，咬起上嚟啲烧肉皮都算脆卜卜不过又有啲硬，啲烧肉味道正正常常，但系唔知点解有几嚿特别咸。生活艰难，其实食乜嘢系乜嘢味真系冇所谓， 最开心就系返到屋企同阿妈同家姐食餐饭。老板，我当然知道你会睇到我呢篇openrice文，我唔系怨你，只不过我真系好辛苦， 可唔可以请多件 行街佬 呀，请个fresh grad嘅 PT都好吖。
继续阅读
老公生日揾地方食饭, 听人讲元朗广东烧味小厨好食就去试吓｡ 原来餐厅可以预定海鲜, 真的不是一间普通茶餐厅｡去到餐厅门口巳经见到烧味好靓, 入到去地方宽敞枱与枱之间吾迫同干净｡ 第一感觉巳经不错｡食饭最紧要都系食物同味道, 我们点了﹒﹒﹒芝士龙虾伊面 - 芝士汁好味, 龙虾新鲜, 伊面爽口鲍鱼焖鹅掌 - 鲍鱼同鹅掌焖到好入味 (妈咪好like)蛏子焖米粉 - 平时蛏子总会用豉椒炒, 今次焖米粉好有新意豉汁蒸鳝 - 豉汁味岩岩好, 鳝好爽口冰镇秋葵 - 好fresh美极牛仔骨 - 口感同味道啫啫通菜煲 - 少少辣好正芝麻蜜香炸鸡 - 皮脆肉滑带少少蜜糖味, 同一般吊烧鸡不一样生日饭吾少得寿包, 餐厅都有得食, 好perfect 大家食得好开心, 非常满足的一餐 一定会再帮衬
继续阅读
前2晚打算同成班屋企人食饭，见屋企附近开左间新烧味店，又有小菜个啲，就走去问下有无得订枱，因为屋企比较多人想佢地坐得舒服啲🤔 点知真系有得订枱，个叔叔仲问我使唔使订定只乳猪，同屋企人一齐食。咁我见我屋企都几多人，烧只乳猪都无妨，所以就要左。🤓 最好既地方系佢会问定我几点到舖头，可以去之前先即刻烧！唔使怕冻晒唔好食！🎉到个日去到，一上只乳猪，哗！真系热辣辣香喷喷！好靓仔！个个亲戚都忍唔住系咁影相😂 正所谓色香味，色香都俱备，味道都好好！😍一咬落去块皮真系脆卜卜，啲肉好嫩好多汁，成旧摆落口真系好好食！😵😵无论系自己嚟食烧味饭，定系一家人叫𩠌食饭，我都好推介👍🏻（唔好意思其实仲有其他小菜但唔记得左影😂）
继续阅读