水門雞飯 (西九匯)

营业中

休息中

今天才發覺屋企附近新開了這間水門雞飯，久久未去曼谷，很掛念水門雞飯，當然要入去試一試啦。清湯腩船粉🍜牛腩帶少許肥羔，好香，少少韌，黐牙，牛筋就好腍，清湯真係幾清，多蔥，炸蒜，感覺似有少少似港式牛腩粉多過泰式。水門雞飯🍛叫得水門雞飯，當然要試吓佢地既招牌雞飯啦。雞好嫩滑，連雞皮食好正，油飯幾好味，加底免費🥳，豉油比較甜，個湯比較多胡椒，雞雜幾好食。芒果沙冰🥤雖然叫咗少甜都係比較甜，不過在這夏日飲杯冰都能令人消暑的。凍泰式奶茶🧋幾好飲，叫左少甜走冰，茶味幾出，有驚喜，幾正宗，睇色水幾似泰國手標奶茶。總括來說，食品選擇都幾多，有空會再黎試吓其他野食。