影片
更多
2017-06-01
287 浏览
個日個fd見到佢樓下有間新野就叫我去試下 ，因為佢知我太掛著台灣啦lol一睇間野個名就知係台灣野haha一去到好多人係門口排隊，我地都等左一陣先入到去。佢既裝修都幾靚，收銀處有一個打到出去既古董電話...佢本menu design得幾靚，可惜個日多士同方塊都未有得叫著，所以唯有叫著其他先。都幾多選擇，但係就唔係純台灣野，咩都有d。落單冇耐就有野食，超開心，首先黎既係野飲，呢杯野個名幾好聽，叫星空，其實就有大熱既蝶豆花係入面，最like佢個燈座，一放杯野上去就會著燈，好靚，呃like首選。另一杯就係菠蘿特飲，真係有成個菠蘿頭係度，勁有feel之後黎既係蠔仔湯飯，好香既蠔仔，冇腥味，係鹹左少少，因為我食得比較清淡。跟住係芝士釀雞翼滷肉飯，芝士釀雞翼其實可以分開叫既，但係我想食埋個飯所以叫左呢個，d雞翼去骨釀芝士，仲有嫩滑既雞肉係入面，滷肉飯都唔錯，肉碎偏瘦，滷蛋既顏色則比較淺色，但都好味既。呢個皮蛋豆腐真係幾正，皮蛋夠新鮮，又爽滑，配上滑溜既豆腐真係一流，亦都鍾意佢個汁，冇蓋過皮蛋同豆腐既香味。再黎係醉鴿，幾滑又香，配上雲耳食唔錯。之後就黎左鹽酥雞，一定要叫呢個，鮮炸，冇雪雞味，仲有味粉
一去到好多人係門口排隊，我地都等左一陣先入到去。佢既裝修都幾靚，收銀處有一個打到出去既古董電話...
佢本menu design得幾靚，可惜個日多士同方塊都未有得叫著，所以唯有叫著其他先。
都幾多選擇，但係就唔係純台灣野，咩都有d。
落單冇耐就有野食，超開心，首先黎既係野飲，呢杯野個名幾好聽，叫星空，其實就有大熱既蝶豆花係入面，
最like佢個燈座，一放杯野上去就會著燈，好靚，呃like首選。
另一杯就係菠蘿特飲，真係有成個菠蘿頭係度，勁有feel
之後黎既係蠔仔湯飯，好香既蠔仔，冇腥味，係鹹左少少，因為我食得比較清淡。
跟住係芝士釀雞翼滷肉飯，芝士釀雞翼其實可以分開叫既，但係我想食埋個飯所以叫左呢個，d雞翼去骨釀芝士，仲有嫩滑既雞肉係入面，滷肉飯都唔錯，肉碎偏瘦，滷蛋既顏色則比較淺色，但都好味既。
呢個皮蛋豆腐真係幾正，皮蛋夠新鮮，又爽滑，配上滑溜既豆腐真係一流，亦都鍾意佢個汁，冇蓋過皮蛋同豆腐既香味。
再黎係醉鴿，幾滑又香，配上雲耳食唔錯。
之後就黎左鹽酥雞，一定要叫呢個，鮮炸，冇雪雞味，仲有味粉比你自己落，有5隻口味，好似做lab咁，亦係呃like菜式之一!!!!
然後呢就到最貴個個之唔記得左佢個名，佢係芝士面，麵包配炸雞，麵包入面係一d湯汁，個賣相都係唔錯既，但個湯汁味道就有d怪。
之後，仲叫左個醉雞米，個人覺得雞比鴿好食，隻雞好嫩滑，米粉既湯底都唔錯。
同埋呢個骰仔牛飯都值得一推，牛粒好香，好鬆軟，冇鬆肉粉味
最後就係甜品啦!!!!已經飽到咩，但係見到waffle都要叫埋先!!!雜果芒果雪糕waffle真係好fresh, 值得一讚，個waffle火候剛好，好香脆，係好耐冇食過咁高質既waffle!!!!!!!
新開黎講，食物品質算唔錯，希望下次再去有得食多士haha
张贴
