匠一麵屋 (已結業)

係長沙灣一條一來一往既街道，發現左一間同其他鋪面格格不入既日本餐廳。 餐廳鋪面用左塊麻布遮左半個門口，布上就有好大個餐廳名既logo。餐廳望落似係新開既，因為裝修比較簡單。我諗係牆身畫下畫寫下野會更有感覺。平時想放袋會係櫈底拉籃/ 揭開張櫈既，但呢到我第一次見係有個大窿直接放入去，都叫方便。點餐紙有中文同日文，唔知係米方便埋明本既朋友呢？湯分左2種：醬油雞骨湯，豚骨濃湯因為想食豚肉所以叫左個豚骨炙燒拉麵，而朋友就叫左濃湯魚介拉麵，再share左一碟餃子。我戈碗既湯唔會太濃唔會覺得食緊味精甘，反而有少少淡口，平時食完一定好口渴但呢隻唔會。豚肉厚度適中，望落好肉好肥甘，但食落係只有少少肥，唔食肥肉既我都可以成塊食。另外飲左啖朋友既魚介湯，味道好特別，飲唔到腥味之餘有種好濃魚介既味道係個口腔到。呢隻湯底值得推介。另外皮薄多餡既餃子望落普通，但食落好juice ，一咬落去係食到d汁都出黎。