影片
更多
2023-05-09
18 浏览
聽朋友講喺中環蘭桂坊入邊有間食日本串燒好好味，今晚就嚟試吓啦😋 餐廳嘅名就咁叫「椈」，位置就喺中環迪卡儂一路上斜路，上到最頂右轉就到嫁喇🐟鰻魚 $48 燒汁鰻魚好香好好味，肉質非常之嫩滑，而且一條刺都冇，能夠成條安心咁樣放入口咀嚼，十分滿足🐮牛舌 $68 牛舌係厚切嘅，所以口感好好，一啲都唔覺得好韌，爽口美味，配埋枱面嘅Japanese pepper一齊食，會香好多，十分好味🐥雞翼 $38 雞翼新鮮燒起，香口多汁，雞肉亦都好嫩滑，一啲都唔鞋，雞翼由中間剪開咗咁燒，所以食落都好方便，沾上枱面嘅七味粉，令到味道昇華不少🦑汁煮魷魚 $108 將魷魚嘅腳，切開再放落魷魚筒入面煮，淨係個賣相都覺得好特別，每一啖都能夠食到魷魚筒同魷魚鬚嘅質感，口感有好多層次，亦都好豐富，味道比較清淡，好適合食咗唔少串燒之後，食返啲清淡啲嘅嘢，清一清口腔入面食物嘅味道🐂牛肋肉 $38 牛肋肉肉汁好豐富，一咬落去啲肉汁爆曬出嚟，超級好味，肉感比較實嘅牛肋肉，食落都唔會覺得好韌，而且牛肉味都好濃🦀甲羅燒配多士 $110 平時食甲羅燒會覺得有啲咸，但依家配埋多士，可以將蟹膏放上多士上邊一齊食，超級好食，一濃一淡，味道好夾
🐟鰻魚 $48 燒汁鰻魚好香好好味，肉質非常之嫩滑，而且一條刺都冇，能夠成條安心咁樣放入口咀嚼，十分滿足
🐮牛舌 $68 牛舌係厚切嘅，所以口感好好，一啲都唔覺得好韌，爽口美味，配埋枱面嘅Japanese pepper一齊食，會香好多，十分好味
🐥雞翼 $38 雞翼新鮮燒起，香口多汁，雞肉亦都好嫩滑，一啲都唔鞋，雞翼由中間剪開咗咁燒，所以食落都好方便，沾上枱面嘅七味粉，令到味道昇華不少
🦑汁煮魷魚 $108 將魷魚嘅腳，切開再放落魷魚筒入面煮，淨係個賣相都覺得好特別，每一啖都能夠食到魷魚筒同魷魚鬚嘅質感，口感有好多層次，亦都好豐富，味道比較清淡，好適合食咗唔少串燒之後，食返啲清淡啲嘅嘢，清一清口腔入面食物嘅味道
🐂牛肋肉 $38 牛肋肉肉汁好豐富，一咬落去啲肉汁爆曬出嚟，超級好味，肉感比較實嘅牛肋肉，食落都唔會覺得好韌，而且牛肉味都好濃
🦀甲羅燒配多士 $110 平時食甲羅燒會覺得有啲咸，但依家配埋多士，可以將蟹膏放上多士上邊一齊食，超級好食，一濃一淡，味道好夾，蟹膏上邊仲有少少蟹肉，令到口感更加豐富
🐠流心海膽魚餅(2PS) $40 新鮮炸起嘅流心海膽魚餅，食嘅時候真係要小心，唔好焫親個嘴，因為真係好熱，同埋係流心嘅，味道方面，十分出色，海膽嘅味道好濃郁之餘，唔會覺得好膩，恰到好處
🥒翠玉瓜 $22 食得肉多就想食返啲蔬菜，咁就揀咗翠玉瓜，翠玉瓜好新鮮，亦都燒到好多汁，好鮮甜
🍺三得利頂級生啤酒 $68 食串燒梗係要飲啤酒，呢度嘅啤酒係生啤嚟㗎，仲要日本Suntory生啤，味道一流，亦都好夠氣
🍦海鹽雪糕
呢個簡直系一流，食完有少少油膩嘅串燒，最後竟然可以食到一個咁高質嘅雪糕，海鹽味好濃，真係當晚完美嘅句號！
📍中環榮華里13號榮華大廈A座地下G號舖
张贴
