影片
更多
2017-06-30
2577 浏览
有個朋友喺Facebook睇到灣仔南洋酒店地庫開咗間新上海菜，個名都幾型，叫做老雪園，講到好好食咁，話係以前北角雪園原班人馬喺呢度開返，咁啱舊同學聚會，約咗喺銅鑼灣，原來由銅鑼灣過去都唔遠，即管落去試吓，平時同班朋友都係去開上海總會或者蘇浙食上海嘢，今次試呢間老雪園，佢哋絕對比得上其他嗰啲所謂出名嘅上海嘢，坦白講啲食物質素同環境遠超想像。我哋班朋友都算係識飲識食，又有醫生又有律師又有投行高層，但男校出身，一埋枱當然口不擇言亂咁講野，講下個知客嗰件窄身花花旗袍，講下點解平日夜晚都咁多人，講下點解咁多枱度有靚女，但講還講，講到食我哋呢班友仔都非常嘴刁。一定有啲扮識食上海嘢嘅朋友爭住點菜，但呢度好嘢，有個靚仔哥哥，聽講就係呢度嘅老闆兼負責人，佢真係好熟上海菜，三扒兩撥介紹咗好多餸，之後幫我地落埋單，咁我哋就繼續亂講嘢等食。嚟咗幾款冷盤，我都講唔晒叫咩名，最難忘嘅都係嗰個馬蘭頭同無錫脆鱔，馬蘭頭食落去好有口感，同埋個味調得好香，唔錯，嗰個脆鱔，真係堅脆，佢唔係脆到食薯片個種，有質感，好食。仲有嗰個銀皮白肉，好爽，個汁好正，好食。主菜叫咗樟茶鴨，好鬆化，煙熏味恰到好處，正，但我哋成班麻甩佬最鍾意
我哋班朋友都算係識飲識食，又有醫生又有律師又有投行高層，但男校出身，一埋枱當然口不擇言亂咁講野，講下個知客嗰件窄身花花旗袍，講下點解平日夜晚都咁多人，講下點解咁多枱度有靚女，但講還講，講到食我哋呢班友仔都非常嘴刁。
一定有啲扮識食上海嘢嘅朋友爭住點菜，但呢度好嘢，有個靚仔哥哥，聽講就係呢度嘅老闆兼負責人，佢真係好熟上海菜，三扒兩撥介紹咗好多餸，之後幫我地落埋單，咁我哋就繼續亂講嘢等食。
嚟咗幾款冷盤，我都講唔晒叫咩名，最難忘嘅都係嗰個馬蘭頭同無錫脆鱔，馬蘭頭食落去好有口感，同埋個味調得好香，唔錯，嗰個脆鱔，真係堅脆，佢唔係脆到食薯片個種，有質感，好食。仲有嗰個銀皮白肉，好爽，個汁好正，好食。
主菜叫咗樟茶鴨，好鬆化，煙熏味恰到好處，正，但我哋成班麻甩佬最鍾意嘅一定係紅燒元蹄，老婆喺度一定唔俾食，但係食落去感覺完全唔肥膩，你郁隻碟佢會成舊跟住喺度浪，呢個真係冇得頂。當然佢個乾燒蝦仁亦都好特別，唔係平時清炒河蝦仁淡茂茂個種，佢用乾燒來整，都幾醒目，唔錯。偉哥介紹我哋食咗個柝骨竹笙魚頭，將成個大魚魚頭拆骨加埋雲腿竹笙冬菇絲，個味好食，配埋佢哋即場炸嘅鍋巴，頂癮。
肥仔佢哋話要食飯面，偉哥介紹咗個蔥油拌麵，一絕。我好鍾意食蔥，估唔到將啲蔥稍為煎香左，伴落啲麵嗰度咁好食。
嗰晚八條友，自己帶咗兩支酒，圍住嗰靚仔哥哥哥氹下佢，仲免埋開瓶費，超正。埋單每人四百幾，銅鑼灣灣仔酒店環境，高級上海菜，呢個價錢，抵食。
睇到佢午餐餐牌，套餐一位唔使＄100 ，仲要唔使加一，下星期試吓過嚟食個晏，另今晚唔記得飲酸辣湯，下次一定要食返。
张贴