潮盛館

营业中

休息中

個人覺得佢係新蒲崗最好食嘅潮州菜，性價比好高。餐廳環境貼地，但食物出奇地精緻，質素亦都非常高。餐廳仲有燒味檔可以外賣食。本身觀塘設店，依家新蒲崗都有得食。最推薦醉鵝肝，片入邊嘅係半份。佢嘅酒味濃郁配埋鵝肝好夾，而且鵝肝嫩滑有彈性，一啲都唔硬，口感超好，嚟到一定要食呢一個，半分已經夠兩個人食。第二推介會喺蠔仔粥，蠔味唔會腥，反而幾鮮甜。而且好足料唔會得一兩粒蠔，同埋每粒都好肥美飽滿。想食粥一定要試呢個。之後就係好精緻打卡一流嘅醉乳鴿。有乾冰提供埋俾你出住煙打卡，但係記得搵個冇咁大風嘅位，如果唔係就吹走晒啲煙。擺盤好靚同埋都去咗骨。肉質軟嫩唔會好嚡。