玖拾烘焙 (已結業)

新蒲崗真係越黎越多吾同型式美食，睇食評知道有間叫玖拾烘焙嘅麵包店，專賣高質有誠意麵包及bagel，就一定要試下。今次揀左3款bagel，味道分別係雙重巧克力乳酪、咖啡奶酥黑糖麻糬、烏龍黑芝麻麻糬。雙重巧克力乳酪朱古力味濃郁可口，加埋乳酪嘅清新香甜，小朋友最鍾意。咖啡奶酥黑糖麻糬有厚厚咖啡香，黑糖及麻糬做餡極有新意，原來味道好夾。烏龍黑芝麻麻糬就有淡淡茶香味道，加上香口芝麻及麻糬，係必食之選。總括bagel口感十足而且煙煙靱靭有咬口，真材實料。