好運泰國美食

营业中

休息中

最近我同朋友去咗新蒲崗廣場「好運泰國美食」，食咗一餐泰國料理🇹🇭✨主菜我哋叫咗一碟泰式炒蝦肉金邊粉。蝦肉新鮮，金邊粉滑潤，醬汁香濃，落埋青檸汁帶有一點微酸，非常開胃🍤🍋‍🟩炭燒豬頸肉，大大塊又多件，肉汁十足。搭配特製醬汁，味道更上一層樓！呢道菜非常適合與朋友分享🍖 👍 串燒我哋叫咗燒生蠔，蠔肉新鮮，配埋蒜蓉食正呀🦪 另外仲叫咗雞肉串燒，肉質嫩滑，香氣四溢，可以配搭花生醬或者甜酸醬，味道更加豐富🍢 😋甜品方面，芒果糯米飯絕對係一大亮點。白色同紫色糯米加埋芒果，顏色配搭鮮艷。糯米香軟，搭配新鮮芒果，加埋椰汁甜而不膩🥭 ❤️飲品方面，朋友點咗黑咖啡椰汁冰，配搭特別又有香濃咖啡味☕️🥥 我就叫咗泰式奶綠，而泰式奶綠則香濃順滑，適合炎熱的天氣🍵