匯景燒味點心館 (已結業)

藍田又多一間點心館，尋日係藍田匯景商場發現左間全日都有得食點心既餐館。餐館位置雖然係商場比較入既位置，但原來都幾多人食同黎買外賣。餐館除食點心多，仲有燒味食，見到掛出黎既燒味都幾靚仔。今日同朋友黎係食點心，點心都有廿幾款，有啲仲好特色，我地都有試，紫薯煎堆仔、黑松露蝦餃、黑金流沙包、小籠包。我都好鐘意食流沙奶黄，個黑金流沙包，熱辣辣，一搣開奶黄湧哂出黎，好正。另外紫薯煎堆有驚喜，原來裏面都有流沙奶黃，而紫薯煎堆外皮，香脆，我自己一個食左3粒。🙈呢度啲點心即叫既整，全部熱辣辣、又足料、蝦餃、燒賣、蝦春卷，全部都有大大粒蝦係入邊。正