影片
更多
2020-10-16
2448 浏览
隊長B好中意食潮州野，尤其滷水野、蠔餅同蠔仔粥呢期限聚放寬，睇完戲就同隊員W去覓食～俾我哋搵到呢間好嘢呢度嘅裝修好有趣，幾有傳統市場feel，而且好闊落坐得好舒服～逐樣講吓有咩食先～先係個蠔餅，同平時食嘅完全唔同，超大塊不單止，仲要炸得好鬆脆，香脆到爆，而且用嘅蠔仔唔係平時細細粒嗰種，大粒到可以同個湯匙媲美，雖然因為大粒所以唔係啖啖都有蠔仔，但當食到嗰陣嗰種嫩滑清甜咁就會爆發出嚟🥴一定要試！跟住喺潮州浸花蜆，從來都未食過呢味菜，所以特別有驚喜！🏻超多蜆大大粒，粒粒夾起都有肉唔會甩晒，重點係湯底係胡椒豬肚湯嗰隻味，連蜆帶湯一齊嘆，好正🤤仲有少少補身嘅感覺～到個蠔仔粥啦，同樣用上大大粒蠔仔，仲加上土尤肉碎冬菇等粥底清甜🥰🥰不知不覺間就已經食晒配埋個韭菜蜆仔肉，帶點咸香同咬口，讚～本來仲諗住叫多份滷水拼盤，點知原來個姐姐話食夠$300有得送一份拼盤，即時覺得抵到爛🤭🤭因為個拼盤一啲都唔細，而且有齊晒想食嘅嘢，啲鵝腸又好正，好滿足️️️️雖然只係兩個人但係我哋仲叫咗一碟沙茶牛肉炒河⋯⋯⋯⋯唔好問點解我哋會食得晒但個炒河一樣咁正，啲牛肉超滑，河粉濕濕地好夠沙茶醬味好入味～嗌左咁多樣嘢四個人嘅份量但先係五
呢度嘅裝修好有趣，幾有傳統市場feel，而且好闊落坐得好舒服～逐樣講吓有咩食先～
先係個蠔餅，同平時食嘅完全唔同，超大塊不單止，仲要炸得好鬆脆，香脆到爆，而且用嘅蠔仔唔係平時細細粒嗰種，大粒到可以同個湯匙媲美，雖然因為大粒所以唔係啖啖都有蠔仔，但當食到嗰陣嗰種嫩滑清甜咁就會爆發出嚟🥴一定要試！
跟住喺潮州浸花蜆，從來都未食過呢味菜，所以特別有驚喜！🏻超多蜆大大粒，粒粒夾起都有肉唔會甩晒，重點係湯底係胡椒豬肚湯嗰隻味，連蜆帶湯一齊嘆，好正🤤仲有少少補身嘅感覺～
到個蠔仔粥啦，同樣用上大大粒蠔仔，仲加上土尤肉碎冬菇等粥底清甜🥰🥰不知不覺間就已經食晒配埋個韭菜蜆仔肉，帶點咸香同咬口，讚～
本來仲諗住叫多份滷水拼盤，點知原來個姐姐話食夠$300有得送一份拼盤，即時覺得抵到爛🤭🤭因為個拼盤一啲都唔細，而且有齊晒想食嘅嘢，啲鵝腸又好正，好滿足️️️️
雖然只係兩個人但係我哋仲叫咗一碟沙茶牛肉炒河⋯⋯⋯⋯唔好問點解我哋會食得晒但個炒河一樣咁正，啲牛肉超滑，河粉濕濕地好夠沙茶醬味好入味～嗌左咁多樣嘢四個人嘅份量但先係五百幾蚊⋯CP值極高大推介！🏻♀️🏻♀️🏻♀️
好味指數：8/10翻啅指數🏻：8/10
人均消費：101-200
服務態度🏼：7/10
乾淨指數：7/10
张贴
