山野日本料理 (已結業)

同老公趁放假去九龍城廣場Aeon行下，順便幫屋企入下d零食生果咁，行完都成7點，咁就諗住行出去食埋泰國野就返屋企煲劇，點知比我地發現有間食日本放題嘅餐廳！見價錢又唔算貴，一於就入去搞掂埋個晚餐先返歸啦店面超級大！入去見到已經坐左半場人，好彩我地7點就入坐，因為食食下已經見到出面排哂隊。野食紙超多選擇，簡直眼花撩亂，而且呢度落單同上菜收盤速度好快！侍應都好有禮貌，唔會好似有啲放題咁，點左嘢食10年都唔到。野飲自己拎，好多選擇，連啤酒都係任飲嫁先來個刺身，刺身質素唔錯！帶子10分鮮甜，赤蝦肥美，三文魚亦算鮮甜，美中不足係劍魚腩麻麻地，第一次黎好令，第二次就麻麻地，不過劍魚腩屬貴價菜，好少見放題有，所以都算誠意十足壽司好吃，飯好香醋味！合格有餘呢度反而大推佢地既熟食，全部熱辣辣，即叫即本，而且調味得宜。問心講，食咁多間放題刺身同壽司都係差唔多，反而熟食好多時都好難食，而呢一間既熟食真係完全係水準之上，同係出面食日本居酒屋散叫既熟食質素差唔多呢個牛乳海鮮鍋，勁大個，但我同老公兩個人連湯都清埋，個湯好好飲！紫芋脆薯波波，我一個人食左4個，超罪惡雪糕同甜品都好多選擇，睇到都開心價錢問心講唔算貴，但