芝加哥串燒 (美豐花園) (已結業)

✨芝加哥係間專食串燒既居酒屋，雖然居酒屋舖仔細細，但裝飾擺設都唔隨便。唔係朋友仔帶路都唔知原來有間咁正既串燒😂😂😂✨果晚平日小妹我9點半黎到，都已經坐滿左人，等左一陣先有位。雖然舖頭比較細，但勝在夠feel，好啱一大班朋友黎吹下水飲下酒。✨小妹我地叫左好多野食，有牛舌、豬頸肉、大蔥雞脾肉串、燒雞翅包飯、燒雞翅包肉、茄子燒、鳳梨燒、蘆筍燒、鹽燒鯖魚、多春魚、原隻魷魚、雞軟骨，同兩支啤酒✨最中意既係鹽燒鯖魚，$29一份，真心抵到爛，超大份，即燒所以好脆皮。✨豬頸肉（$19）同茄子燒（$30）都係十分推薦，豬頸肉本來肉質就爽口滑嫩，燒完之後可謂更上一層樓，外脆內軟！茄子燒十分大份，同埋落左好多蒜，好香，食完都有幾分飽。