影片
更多
2020-06-24
114 浏览
一直都想食潮州菜，但係2個人黎食唔多選擇，所以襯住一大班朋友約會Gathering就提議係依間新潮打冷食潮菜啦～出面打冷菜館，不嬲都係剛陽味超重嘅格局，配埋檯檯一枝嘅青島藍妹，大大聲講野嘈吵，簡直係女性勿近咁款。而依度就相反，雖然裝修唔係trendy個d 款，但有別於傳統簡陋嘅不同。係傳統加新潮拼合埋一齊，總之係可以令到年輕人，甚至小朋友都可以安心又可以傾到計嘅好地方。我地張檯係1樓，因為唔知道有電梯搭，所以行左樓梯（不過都係行一層ja），所以記得部電梯係地下個層直入轉左就見到嫁啦～見到餐牌都幾多選擇，又新淨，真係感覺良好。我最想叫個生醃賴尿蝦竟然賣晒，oh my god，我最期待嘅依款竟然冇，其他生醃蟹我又怕肚痛，所以有點少失望呢。魚露浸花甲 $158份量夠我地5人食用，魚露味唔算好重，有淡淡嘅酒味，冇沙又乾淨，好鮮味。元蹄$128好似燻蹄，係有滷水味嘅燻蹄，我幾鐘意依度滷水，唔係一味死咸，同埋我好怕Ｄ色勁老抽色，依度係有淡淡酒味，不濃烈，所以我諗小朋友都可以食到。鵝六寶$338 有鵝片, 鵝肝, 鵝蛋, 鵝翼, 鵝腸, 豆腐鵝片：最怕食到勁嚡嘅肉，依度係好滑鵝肝：好粉潤，友人麻麻地
出面打冷菜館，不嬲都係剛陽味超重嘅格局，配埋檯檯一枝嘅青島藍妹，大大聲講野嘈吵，簡直係女性勿近咁款。
而依度就相反，雖然裝修唔係trendy個d 款，但有別於傳統簡陋嘅不同。係傳統加新潮拼合埋一齊，總之係可以令到年輕人，甚至小朋友都可以安心又可以傾到計嘅好地方。
我地張檯係1樓，因為唔知道有電梯搭，所以行左樓梯（不過都係行一層ja），所以記得部電梯係地下個層直入轉左就見到嫁啦～
見到餐牌都幾多選擇，又新淨，真係感覺良好。我最想叫個生醃賴尿蝦竟然賣晒，oh my god，我最期待嘅依款竟然冇，其他生醃蟹我又怕肚痛，所以有點少失望呢。
魚露浸花甲 $158
份量夠我地5人食用，魚露味唔算好重，有淡淡嘅酒味，冇沙又乾淨，好鮮味。
元蹄$128
好似燻蹄，係有滷水味嘅燻蹄，我幾鐘意依度滷水，唔係一味死咸，同埋我好怕Ｄ色勁老抽色，依度係有淡淡酒味，不濃烈，所以我諗小朋友都可以食到。
鵝六寶$338
有鵝片, 鵝肝, 鵝蛋, 鵝翼, 鵝腸, 豆腐
鵝片：最怕食到勁嚡嘅肉，依度係好滑
鵝肝：好粉潤，友人麻麻地食肝臟，我食到好多，好有罪惡感，但真係好好食
鵝蛋：好大粒，我掛住食鵝肝所以冇食到
鵝翼：我最鐘意食骨位，又鐘意翼尖同腳掌位，依度岩晒我口味，而且鵝掌位易咬，唔駛怕咬到牙都酸痛都未食到
鵝腸：好似唔係新鮮鵝腸，所以冇帶點肥膏，略嫌有點瘦，不過都幾爽嘅
二十年老菜甫燉解豬肚$68 (一人份量)
價錢或許有點貴，而且真係一人份量，但湯頭係非常清，飲到有藥膳嘅味道，飲完唔會有口渴情況
傳統炸蝦棗$128
我仲以為似飲宴食個D炸蟹鉗嘅質地咁，原來係入面有一粒粒蝦同馬蹄，好分明，而且爽口，但唔太熱所以有點少扣分。
方魚炒芥蘭$98
芥蘭依家可能唔係當造，所以菜未算好綠，好彩方魚配搭夠味。
陳年老菜甫肉碎粥$68
餐牌話一人份量，但經理話二人都可以，果然二人份量係足夠的。陳年老菜甫好夠味，似陳皮咁香咁有回甘。
叫左蠔仔方魚肉碎粥$68 ，但唔記得影相，我覺得比陳年老菜甫肉碎粥更好味。
5個人茶位$65；加埋一就$1658，平均每人$330，依個價錢食到優質又坐得舒服嘅打冷舖真係唔錯，希望下次有機會食到生醃賴尿蝦啦～
张贴
