名館 (已結業)

唔講都唔知原來中環有個咁好環境又價格相宜既地方食中菜。一行入去已經有陣淡淡既清香，到坐低拎起杯茶，先知原來係茶香。用藜麥炒既茶，茶香撲鼻味道清淡。厚切叉燒王，係最正既半肥瘦! 平時食叉燒真係好驚咬落又柴又乾又痴牙，依份絕對好juicy又嫰口。蟹棒炒滑蛋，鍾意清淡人士之選。個蛋我食完一羹又一羹，因為有陣淡茉莉花香，唔heavy，好難停手，最快清碟!宮廷點心盤! 一上枱已經值得嘩一大聲 ! 然後相機先食! 由冷盤例如麻辣木耳到甜品例如朱古力moose cake都有，真係叫多幾個菜依個已經會食唔完。麻辣木耳睇落好似好平常，但入口之後由喉嚨麻返上舌尖，勁!對於又注重外在美加內在美既人黎講，依餐真係算得上味覺視覺既盛宴。