影片
更多
2017-01-13
215 浏览
來到週日，（我視之為休息日），我總喜歡到港島區shopping，有時候，不用買任何東西，四處閒逛一下，看看四周人群的活動，聽聽鄰人之間的聊天，感覺也幾特別，輕輕鬆鬆，悠悠閒閒，便過了一個下午。大約5時許6時，開始有一點餓意，銅鑼灣人太多，我又不想花時間去同人爭，同人搶，決定走遠一點，走著走著，來到天后電氣道，發現了這間以「近江牛」作為招倈的日式餐廳。餐廳命名為「浜滝」，老實說，「滝」字我是不懂發音的，本著尋根究底的性格，上網搜尋了一下。原來「滝」，發音是「瀧」，瀧澤秀明，有時就會翻譯成滝沢秀明，有學多一個字啦，哈哈。餐廳門外，燈光閃閃，十分搶眼，貼著不少的宣傳圖片，原來，飲食節目「區區開伙」，也曾經到訪。走入餐廳，感覺很colourful，左邊放著5張高身圓枱，右邊有排排坐既bar枱，餐廳唔算大，但裝潢幾有特色。充滿瀛風的木製吊燈，很有傳統舊式日本餐廳的感覺。牆上有色彩豐富的壁畫，是一班綁著頭巾，努力爬著龍舟的日本人，寓意餐廳致力尋求最好的美食？還是別有用意？在另一邊牆上，則放著餐牌以外的美食推介，用木牌掛在牆上；由於是用墨水筆在木板上寫的餐牌，不容易修改，食物款式應該是長期供應的吧。
大約5時許6時，開始有一點餓意，銅鑼灣人太多，我又不想花時間去同人爭，同人搶，決定走遠一點，走著走著，來到天后電氣道，發現了這間以「近江牛」作為招倈的日式餐廳。
餐廳命名為「浜滝」，老實說，「滝」字我是不懂發音的，本著尋根究底的性格，上網搜尋了一下。
原來「滝」，發音是「瀧」，瀧澤秀明，有時就會翻譯成滝沢秀明，有學多一個字啦，哈哈。
餐廳門外，燈光閃閃，十分搶眼，貼著不少的宣傳圖片，原來，飲食節目「區區開伙」，也曾經到訪。
走入餐廳，感覺很colourful，左邊放著5張高身圓枱，右邊有排排坐既bar枱，餐廳唔算大，但裝潢幾有特色。
充滿瀛風的木製吊燈，很有傳統舊式日本餐廳的感覺。
牆上有色彩豐富的壁畫，是一班綁著頭巾，努力爬著龍舟的日本人，寓意餐廳致力尋求最好的美食？還是別有用意？
在另一邊牆上，則放著餐牌以外的美食推介，用木牌掛在牆上；由於是用墨水筆在木板上寫的餐牌，不容易修改，食物款式應該是長期供應的吧。
另外還有一塊黑板，寫上一些時令性的菜餚，其中「近江牛」，和每日只限定供應10碗既「制霸拉麵」最吸睛。可惜是日無得供應「近江牛」，令我緣慳一面，要下次再來試。
生啤 ＄45來到日本餐廳，基本上也是清酒，啤酒，2選1啦，因為今日想清清地，唔想飲烈酒，所以就揀佐生啤。
生啤飲得多，正宗日本製，又評為the Premium Malt既生啤，真係唔係經常飲得到，飲落真係濃郁甘醇，華麗芳香，麥味比一般啤酒更重，酒泡的份量控制得宜，飲落綿柔細緻，很香滑。
大板燒餅 ＄63燒餅用了海老和豚肉，兩種配料去煮製，份量不算很大，一開四，配上日式炒麵專用的甜醬汁，食落啖啖肉，加上蛋香，極惹味。
宮崎產生蠔 ＄78一隻宮崎食得多，宮崎生蠔真係第一次見，作為生蠔既忠實粉絲，當然要一試！
生蠔超大隻，真係名副其實大過一隻手掌。
食落超juicy，海水味濃，味鮮而甜，有一陣果香略帶金屬味既口感，齒頰留香。
日本沙甸魚釀明太子 ＄78這個設計很特別，將一粒粒爽口彈牙既明太子放入沙甸魚裡面，不論賣相，食落既口感，都係激似多春魚既！
但係又比多春魚多佐一份「肉感」，同埋咸咸地既明太子那份爽甜爆破感，有創意得黎又好味。
明太子既份量多到滿瀉，係真係瀉佐出黎！
海膽菠菜 ＄128熱辣辣既菠菜上面放上了海膽，令到海膽變得微暖；海膽刺身食得多，暖暖地既海膽第一次食；望落感覺怪怪的，但係食落原來有驚喜！
因為熱量，令到海膽既味道更鮮更甜，起初都唔知那3片多士有甚麼用途，但係當吃下第一口海膽和第一口菠菜後，「師傅，明白了」！
多士有效清理一下味蕾，使我們不會感覺太咸，太油膩，不錯。
海膽份量不少，但如果菠菜份量也可以多一點，會更好。
半熟吞拿魚 ＄68起初，我以為呢款菜式係整塊吞拿魚也煮成半熟狀態既，但係原來係「外熟內生」。
外皮煮熟佐後，食落硬硬地，而內裡係刺身狀態，所以食落軟腍腍，對比夠大，好滋味。
吞拿魚表層晶瑩剔透，有一層吞拿魚油，好新鮮。
不需要點任何醬料，已經好夠味。
制霸拉麵 ＄118呢款招牌拉麵，每日只供應10碗，起初，我都不存有希望，但本著「有問過，沒可惜」既心態去問一下服務員，估唔到又俾我食到喎！
制霸拉麵，和其他拉麵既主要分別在於，制霸，係用大豚叉燒既，即係厚d，同埋大塊d，而價錢仍都好抵，百多蚊，有好多好普通既拉麵店，都要賣呢個價錢啦。
大豚叉燒，真係好大塊，食落啖啖肉，滿足感100分，而湯底又做得好濃，有d香草既味道，飽肚與美味並重。
麵質有d似公仔麵，但係就多了一份爽口，彈牙口感。
流心蛋，蛋黃半溶，食落蛋味重而香甜，有水準。食下食下，發現拉麵既碗底有一舊野「頂住頂住」，心諗：「唔通餐廳用野墊高碗麵，扮多？」 再把它撈起，原來是一塊小小的熱石頭，可以有效保持拉麵的熱量，難怪一碗拉麵，到枱既時間熱到「卜卜作響」，食了15分鐘，仍然熱氣迫人，有心思！
拉麵店，香港真不少，但要找一間高質拉麵，配搭多款小食既，實在不多。浜滝，實在做得不俗。
张贴
