嚐•捌 (已結業)

時代廣場對面有一間新派飲茶試業，即管去試一試，發現有驚喜。全新裝修，地方舒服，非常適合二至四人用餐；食物有水準，份量適中，推介美食 - 星加坡炒蘿蔔糕，辣得嚟嘢味，蘿蔔糕真材實料，另外，陳皮牛肉球及時菜蝦餃，用心製作，相當好食；飲茶方面，點了鐵觀音及荔枝紅茶，非常有茶味，比較特別的是，茶葉放在玻璃試管內冲泡，幾有特色。另外，靠窗位置比較開揚，仲可以望到對面時代廣場及街景，可能係新張試業，埋單仲有九折，價錢合理，值得一試！P.S. 臨離開時候，發現旁邊仲有一間越南餐館，估計係同一集團，下次可以再試一下！