嚐•捌 (已結業)

〔 睇住流奶 〕 $49 .外形相當可愛名字都好有趣, 流沙包要趁熱食, 唔會太過甜, 包好鬆軟.〔 懷舊蝦多士 〕 $78 .蝦多士外面炸得好脆口, 中間好鬆軟, 蝦一啲都唔乾, 沾上沙律醬更有風味.〔 香片+荔枝紅茶 〕 $30 .荔枝味非常突出, 紅茶建議不要浸得太耐.〔 紅粉蝦餃 〕 $39 .好漂亮的粉紅色蝦餃, 味道很不錯.〔 椒鹽豆腐 〕 $68 .椒鹽豆腐的椒鹽不會太鹹也不會太少, 豆腐唔會一格即斷, 炸得好香口, 豆腐下面仲有一啲炸金針菇炸得很出色, 真係值得一試.〔 蟹籽燒賣 〕 $39 .燒賣皮真的很薄, 肉味和香菇味都濃郁.〔 紅油抄手 〕 $46 .薄皮肉多, 有少少偏麻辣, 唔食辣嘅呢道菜.(好味指數: 9/10)…查看更多

最近食完就會比一張一百蚊ge現金卷，說明優惠、推廣不適用，見同老人家食比佢地嘗鮮一下食半放題，$158＋10%一位，但其實我用$800食散叫點心食到嘔都仲得，我去酒店食幾十款點心放題都唔洗咁貴，純粹比老人家開心下。所謂點心放題其實得８款野食，仲要樣樣都係包呀、鹹水角呀，蝦餃都係次一等嘅芥菜蝦餃，食落炸雲吞、燒賣、蝦餃都係一樣味，係牛肉球幾好。主菜要左咕嚕肉、豬頸肉、魚同雞。豬頸肉超難食，大量鬆肉粉，一陣味，好地地一舊豬頸肉比佢搞到瘦肉咁，真係冇陰公。四個人食完埋單$8xx，可用兩張$100卷，點知店員話唔用得，因為放題係優惠，我食$158+10%，完全冇半點折扣，唔明有咩唔用得，如果唔用得應該要係MENU清楚講明本身放題點心種類已經唔多，跟本散叫仲抵食，仲要唔用得現金卷，搵笨！本來每星期都會去食一次，先會草落幾張現金卷，而加好似比人搵笨咁，食到一肚氣，以後都唔會黎食。…查看更多

平時西餐semi buffet就食得多 依家先知原來有餐廳做中菜semi buffet ! 好吸引 😍😍 仲要晚市都只係$158 加1！任食既除左前菜仲有點心！上至流沙包下至燒賣都有！仲有portion都係好細 一盅兩件/一個包 咁就唔會食完一籠就飽左😂而主菜就可以每樣揀一款 都有好多選擇！我地叫左麒麟魚香米 (+$30) 同 芝士焗龍蝦尾 (+$40)麒麟魚香米係經理推介 佢係由冬菇/金華火腿/魚整成 每啖可以一次過食3樣野 好正！上面仲有炸左個米 好脆好香口！呢個真係無介紹錯呀 😍 個龍蝦尾以為真係得龍蝦 點知仲有麵！唔似出面d餐廳用好浠既芝士 d芝士好濃 所以都食到好飽好濟😂😂另外甜品都係任食！經理知道我地唔食榴連仲比左楊枝甘露布甸我地食 好好人！🥰…查看更多

之前有去過同層SO TAM越南菜之良好體驗, 今次打算再去回味之時, 怎料同行朋友告知隔壁有間叫"嚐.捌", 食中式的, 我還以為是另一家, 怎料是同一老細, 分兩家食不同東西, 既然越南菜都很出彩, 倒不如嚐嚐佢中菜又處理得如何吧! 先講環境一樣保持舒適整漯, 我地雖然只得三個, 但店員都細心安排一張較寬落的枱給我們坐下,   原來之後菜式很豐富, 如果唔係恐怕放不下呢!當晚有個個人套餐(除主菜外), 其他可以任叫, 包括涼菜,點心,主菜, 還有湯品, 糖水/甜品, 這麼豐富才$158, 真係抱住嘗試心態試試吧!先講頭盤涼菜, 四款選擇, 四款都做得相當出色點心-絕對好過很多大酒樓, 原來大部份都係店內師傅嘅手工點心, 咸點甜點都令人回味, 還可以任叫, 還未食到主菜已經如此出色, 絕對期待主菜呀!主菜- 有6款我們選擇, 我們3個便選了麒麟魚香米,芝士焗龍蝦尾和鳳梨咕嚕, 三樣都很美味, 特別係個魚, 無骨滑溜, 無得彈, 出色過外面很多中菜館吧!當然最後白飯可以任叫, 並且還有甜品, 可惜當日甜品係榴槤, 我並不好此, 但其實未到甜品我已經飽到不得了,如果稍為有胃口的朋友們, 在這裡一定食得很痛快吧! 總括而言, 除了越南SO TAM, 我都好慶幸自己有嘗試埋另一邊嘅嚐.捌中菜, 以後又多個非常好的食中菜地方…查看更多

這間位於銅鑼灣時代廣場對面的嚐·捌，晚市時間有半自助任食點心及小菜，價錢都是百多元起，十幾款前菜及點心任食，另外每位可揀一款主菜。荔枝紅茶及胎菊以位上形式，荔枝味道突出，加茶香，消滯又清香。冬蓉湯味道清甜，有些冬菇香。前菜點了麻煩三姑及梅酒秋葵，前者帶微微的麻辣香，十分惹味；後者帶梅酒的甜香且爽脆。點心方面，大部份都以人頭計算，不會浪費。一籠八戒即叉燒包，外型趣緻，叉燒餡香甜。迷你馬拉糕鬆軟帶甜香。雞雞春卷、鮮蝦炸雲吞及五香金角即叫即炸，新鮮熱辣，炸至金黃香脆，炸雲吞裏面大大粒蝦肉，咸水角煙韌。芥菜蝦餃蝦肉爽口，帶點芥菜獨特氣味。蟹子燒賣及陳皮牛肉味道正常，牛肉有些爽口馬蹄。主菜麒麟魚香米極有特色，沙巴仔去骨，夾上冬菇及金華火腿蒸熟很再淋上魚骨熬煮的魚湯及脆米，魚肉帶點肉咸鮮味又有冬菇清香，脆米浸了魚湯依然香脆，吸收了魚湯的鮮甜。另一個主菜芝士焗龍蝦尾，表面舖滿了龍蝦肉及芝士，下面是伊麵底，龍蝦肉爽彈，伊麵爽口充滿芝士香。…查看更多

🌕Hello我係Moon🌕以前都有食過呢一間，😍不過最近留意到佢有個半放題模式，😇就決定同朋友去試吓，依間嘅質素都唔錯，我好鍾意依度嘅環境，呢度環境夠晒舒服😌而且仲有落地玻璃，都好啱同朋友仔喺度傾偈！😙呢度嘅半放題係$158起一位，😏其實喺銅鑼灣旺區來講呢個價錢算唔錯，半自助餐入邊包一個主菜，😝其他就係無限任食，例如小食點心甜品茶，🤪$158就係90分鐘任食，其實依個時間好足夠！😎我同朋友就要咗亞麻籽燒雞半隻同埋麒麟魚香米半條，😤落咗單之後我同朋友仔一齊睇吓小食有咩食！🥸我哋每樣小食都嗌咗一份，😍木耳菇秋葵山藥，我好鍾意佢哋嘅菇，😌辣辣地真係好開胃！🤣呢度個點心質素都幾高，😉我哋先嗌咗春卷炸雲吞，😆同埋鹹水角，呢度嘅全部都係即叫即炸，食落口仲係熱，☺️炸雲吞入邊真係做得好好，餡料十足而且入邊仲有蝦！脆卜卜真係好好食！😚呢度嘅豬肉包同埋流沙包嘅造型真係好得意，😇朋友見到都係咁影相，😳豬肉包入邊都係餡料豐富，😏不過我就比較欣賞流沙包，咬落去真係會流心，🤓而且流沙嘅餡料做得唔膩，😙又唔會偏鹹味道真係啱啱好！呢度嘅燒賣我都好推薦，😛除咗賣相好特別之外，佢入邊仲有好多隻蝦，咬落去啲肉好實淨，唔會散晒，🤯份量都啱啱好！😍當然仲有蝦餃啦，😌蝦餃做得皮薄餡靚，賣相仲好好睇！🥰跟住就到主菜，😝係我哋期待已久嘅亞麻籽燒雞，果然冇失望，😚燒雞嘅外皮趣卜卜，而且雞肉好滑好香，😊加埋啲亞麻籽喺外面食落口嘅時候口感十足！😇之後就到魚，😉分量比我哋想像中多，魚塊中夾住鹹肉，😙就好似火腿咁，😜再加埋脆米粒，😋所以食落口嘅時候好有層次，啲魚肉係已經去晒骨，🤓所以可以放心咁樣食！🌕最後MoonMoon真係覺得今次嘅半放題好有驚喜，😎$158呢個價錢真係好值，點心做得好好而且炸物又係即叫即炸，🤩主菜亦都唔馬虎，😏整體上真係做得好好，我同朋友都讚不絕口，好滿意今次🌕…查看更多

我地都好鍾意去飲茶食點心, 所以成日都會搵唔同既餐廳試下。呢度既點心以2件為主, 份量唔多, 啱哂我地呢種2人家庭, 可以多試幾款唔同點心。豬手豬腳 $38 - 先黎個前菜, 醬汁惹味, 因為係冷盤, 凍凍地好爽口唔會覺得肥膩, 而且啖啖肉, 充滿骨膠原, 必食之選。懷舊蝦多士 (2件) $36- 即叫即炸, 脆卜卜, 蝦肉彈牙爽口, 真係食一件都唔夠喉。扑扑蠔餅 (1件) $48 - 即叫即做, 蠔仔粒粒都好飽滿, 粉唔會過多剛剛好, 而且入口唔會覺得好油膩, , 配上鮮魚露一齊食, 好正。鵪鶉蛋燒賣 (2件) $26 - 薄薄既外皮, 包住細細粒但好飽滿既鵪鶉蛋, 再襯上嫩滑多汁既豬肉, 好正。蟹籽燒賣 (2件) $26- 燒賣賣相好精緻, 上面放滿左粒粒蟹籽, 皮薄肉厚, 豬肉餡料夠新鮮。有色蝦餃 (2件) $28 - 顏色鮮艷好吸睛, 蝦餃外型好飽滿, 蒸得時間剛剛好, 唔會過淋, 蝦肉彈牙爽口, 推介。甘香糯米餅 (2件) $24- 糯米飯煎成一個小小既圓形, 入口煙韌但唔會油腻, 配上軟淋既白麵餅一齊食, 細細件, 一人一件剛剛好, 食完唔會覺得有好重負擔。鴿香鳳梨 (3件) $46 - 賣相好靚, 打卡一流，外皮酥脆，一咬開入面有一絲絲既新鮮鳳梨肉, 酸酸甜甜。嚐。捌銅鑼灣羅素街8號英皇鐘錶珠寶中心2樓港鐵銅鑼灣站 B 出口, 步行約4分鐘…查看更多

與同事第一次於嚐·捌食午餐，本來係被test tube沖茶的方式吸引。試過點心後，反覺得食物略有驚喜，2人一致認為可以再encore。我們叫了4樣菜，其中以斑斕千層糕較優勝。千層糕甜度合適，軟軟糯糯，真係幾好味～芝士燒賣就較少見，如果燒賣內亦揉合芝士就更滿足。我們叫了2款茶飲。我飲的是鐵觀音，茶味偏甘，比預期好飲。同事飲的好像是荔枝紅茶，聽到的也是好評。職員的服務態度良好，會主動提議甜品最後上。整體不過不失，期待下次再訪試新點心。…查看更多

這天因為工作的關係，在銅鑼灣工作過後也就是我的吃飯時間，這天十分高興相約了一位同事，我們一同進餐，朋友選擇的餐廳位於銅鑼灣區地鐵站，去程需要五分鐘左右，地理上十分方便快捷， 餐廳位於的樓層由兩間餐廳組成，但我相信他們是一部經典，而我們這天選擇的也就是中菜的餐廳，半自助的中菜， 主食方面，挑選了水煮龍蝦尾，這個奢華的美食， 一般來說最擔心的就是麻辣遮蓋了龍蝦本來的鮮味，但這家餐廳完全沒有因此而令龍蝦失色，反而令龍蝦的整個味道更為昇華，另外，口感方面，龍蝦爽口彈牙，這樣證明用了十分新鮮，這是經過精心挑選的。…查看更多

嚐。捌前身係「飲茶」情人節中午去嘆茶，lift 門打開會見到嚐捌和隔離的越南餐廳是姊妹店。當日就算已經提早約左位，但中菜那邊已爆滿，我們被安排到越南餐廳那裏，飲茶氣氛頓時減半。由於仍是新春，餐廳提供幾款賀年點心和賀年菜色，價錢當然略有提升。雖然意頭野系好，但係我哋都係棟返點心紙上嘅正常點心。點心的名字也是充滿玩味，但細看下只是舊有點心，細看下有些點心是續件計，大家都要識計數。陳皮牛肉球$22口感超有彈性，亦有馬蹄的爽口；陳皮香氣十足，點小小醋提味減膩已足夠，水準比酒樓還高。菠蘿叉燒酥$24酥皮又鬆又脆，略帶牛油味，叉燒餡略小，但加入切碎菠蘿，令口感鬆脆之餘亦多左juicy 。我認為一場嚟到都要試吓公仔造型嘅點心，可愛造型代表「一籠八戒」$16/個叉燒包拎上手十分軟熟，熨手。包皮略厚，餡料吾算豐滿，但味道就吾錯，醬汁不過甜，叉燒軟稔，肥肉不多，水準不俗。味道稱不上太正宗的「新加坡炒蘿蔔糕」$68偏重咸味，欠缺了靈魂「黑甜豉油」的精粹，我懷疑跟本沒有加入黑豉油調味。撇除呢樣野，其實味道都唔錯，炒蘿蔔糕來説吾不太油膩，蘿蔔糕大粒，口感不粉，蘿蔔糕十分索味，但略過咸，可能因為加左菜脯和蝦米；其他配料還有銀芽、蛋絲、香蔥，喜歡重口味的可以一試。茶界$15/位 ～貴～加一…查看更多

正是新年，營業嘅店舖唔多，今日試下樓上點心店。這家店面積唔細，空間寬敝，而且佈置得充滿新年氣氛，不停的播著新年賀曲，雖然有少少嘈，但感覺熱鬧。柚子蝦餃$26蝦餃晶瑩小巧，就像小桔子一樣，十分可愛。蝦肉幾鮮美爽口，加上淡淡柚子的清香，味道唔錯，但餃子皮比較厚。元寶鹹水角$26這鹹水角炸得香脆，餡料是牛肉餡，味道帶肉味，夾埋鹹水角的甜，味道討好，或者是造型的關係，皮還是太厚。XO醬帶子餃$18 1件這帶子餃賣相唔錯，但餃子皮超厚，內𥚃有蝦肉、帶子和豬肉，味道各有各的，有啲散亂，感覺一般而已。迷你馬拉糕$15這馬拉糕蒸得十分香軟鬆化，而且口感滑溜，輕輕的甜，沒有梘水味，不錯。沙嗲菠蘿金菇肥牛$76這金菇肥牛份量十足，滿滿是粉絲、金茹、肥牛。沙爹汁的味道比較溫和，黏黏糊糊的，肥牛唔太韌，味道可以。海膽炒飯$78這海膽炒飯炒得幾香，配料有蝦肉、露筍、蔥花。雖然不覺得那是海膽風味，但味道又幾ok, 炒飯炒得均勻，香口鮮味，唔會好油，飯粒軟硬適中。荔枝紅茶呷一口茶，荔枝紅茶入口順滑，有陣陣荔枝香，不澀口，幾好。簡單點心午餐，感覺一下喜氣洋洋，倒也不錯。…查看更多

之前在Times Square買東西，商場贈送了一些飲食券，將近到期；原本計劃去食午餐 ⋯⋯ 點知原來很多人有相同想法，商場內的各間餐廳都排長龍、又或者要提前訂枱才有位。被迫放棄，改去對面商業大廈2樓新開張不久的越南餐廳醫肚。電梯門一打開，就見到一幅充滿越南老街風情的壁畫：帶着尖笠帽的越南少女，正在小檔口內烹調越南牛肉湯河！牆壁前還要泊了一台真單車！差點真的以為去了越南！看看放在門口的lunch set餐牌，竟然沒有越南生牛肉湯河？再問問侍應，原來餐廳開張不久，暫時未有提供此菜式，要遲一點才會調整餐牌！更估唔到的事還陸續有來。原來舖位一分為二，樓層左右兩邊為兩間不同餐廳，但共用同一個入口。雖然屬於同一個餐飲集團，但兩間餐廳不可相互點選另一間的菜式。由於冇越南牛肉湯河，放棄了越南餐廳，改為去左邊的「嚐·捌」飮茶。侍應還進一步透露，兩間餐廳同屬將創意賣相融入傳統廣東點心的「Yum Cha」餐飲集團，不過就未能在集團網站內找到此兩間新餐廳的資料。「嚐·捌」裝修風格有別於傳統港式廣東酒樓，沒有大圓枱，全部都是二人或者四人方枱，配合現代香港的小家庭。整體格局與同集團的「Yum Cha」同出一轍，不過「嚐·捌」就採用了較多木材作為裝修物料，觀感稍為古雅，沒有「Yum Cha」那樣摩登。午市餐牌只有一頁雙面點心紙，傳統廣東點心固然不能缺少，並且增添了涼菜、炒粉麵飯、頭盤小吃、湯羹及小炒，雖然款式唔算多，但已足夠上班一族的簡單午餐所需。餐牌上大部份點心源自「Yum Cha」，睇住流奶、一籠八戒這兩款「Yum Cha」的馳名「傳統包點 x 摩登創意」出品當不能缺少。「嚐·捌」與「Yum Cha」的主要分別在於前者所供應的點心要不是逐件上、就是迷你版，旨在招兩口子二人家庭、或想嘆茶吃點心的一支公。「嚐·捌」還有一個非常抵讚的服務，將以往一家大細去飲茶的問題徹底解決 - 每位客人可以自選喜愛的茶葉，不再需要共享一壺茶！其實，此概念只是舊瓶新酒，乃源自幾十年前舊式茶樓的一盅兩件；「蛊」指茶盅，那些年每位茶客各自有一個茶盅泡茶，可以選擇自己喜愛的茶葉。當然，服務要與時並進。今時今日肯定大部人不懂得用茶盅 ，「嚐·捌」 就改用了特別訂製的玻璃試管；試管上有很多細孔，管內放入茶葉，沖水入杯內再浸泡一段時間，就可品茶（另外附上一個小杯安放試管）。同樣用椒鹽調味，椒鹽魷魚鬚（$56）做不到大排檔熱辣辣、香口惹味的風味。用薄脆漿包裹的魷魚鬚雖然多了一層鬆化的外衣，但講香口就及上蘸蛋漿、再沾乾粉油炸的方法。始終是有規模的飲食集團，食材選用了新鮮魷魚鬚，此點就抵讚。有色蝦餃(2件)（$28）是「Yum Cha」系的創意之作，添加了七彩顏色的澄皮提升了傳統蝦餃的賣相。同時，蝦餃外型又維持工整、摺紋清晰，澄皮薄身、不粘筷子；整體仍然保持傳統靚蝦餃的必備條件。蝦肉餡料爽口，有鮮味；調味有改進空間。XO帶子餃(1件)（$18）用了少許吸收了甜豉油的粉絲墊底，再加上XO醬，以蒸餃類點心來説是濃味之選。餡料豐富，有帶子、蝦、馬蹄及芫荽。帶子本是主角，由於本身唔爽口，廚師加入蝦肉粒以提升口感；但卻有點喧賓奪主，再加上芫荽的濃味，蓋過了帶子粒的清甜。迷你馬拉糕（$15）細細件，不過，無論甜度、蔗糖香氣、顏色、鬆軟質感、氣孔大小等等各方面，仍然跟足傳統馬拉糕的味道。睇住流奶(1件)（$16）絕對是「Yum Cha」集團的上位之作。講歷史，第一代是奶皇包；多年前不知是那一位點心師傅，將餡料稠如糊的奶皇包轉化為流沙奶皇包，可以說是少數比傳統老派點心更加好食的改進版點心，近年，甚至已經完全取替老式奶皇包。睇住流奶就在流沙奶皇包的基礎上，將餡料進一步改良，鹹蛋味更香更濃，同牛奶忌廉兩者之間的比例調校得更佳，變得更加流沙。另外，包身轉成橙黃色，同餡料一致；再加上可愛造型賣相 ⋯⋯ 甚至做到如同點心名字，真係「睇住流奶」！可說是香港最好食的流沙奶皇包。醬香鳳爪（$25）的急凍臊味去除得很徹底，加上豉汁麵醬味道及稀稠度調校得宜，鳳爪又夠軟腍；實在是很好食的傳統點心。黃金牛肉餅(2件)（$20）是指脆皮呈金黃色，本身沒有什麼味道。牛肉餡太薄、份量太少；即使牛肉是味濃肉類，但一啖咬下去，除了卜卜脆的餅皮之外，也很難食得出牛肉味道。比起其他幾款點心，相對失望。迷你排骨飯（$28）真的很迷你，只有正常盅頭飯份量的三分一至一半左右，但排骨份量就沒有同步減少，感覺抵食；最緊要這個份量肯定唔夠飽肚，可以食多幾款其他點心。排骨調味幾好，但幾多筋膜，只有表層的豬肉絢鬆軟，近骨的豬肉就好韌。盅頭飯最緊要就是米飯，飯粒分明、軟硬適中，加上特製甜豉油，好味道。兩大一細埋單，就算只計兩人平均消費，每人也只是大約 $120，實在是好味又抵食！離開後細看賬單，才發現原來計少了三位茶錢！…查看更多

發現鼎食聚、香港旅遊發展局，連同200+家酒樓、餐廳，推出We Love Dining promotion。第３站，挑了家新開業中菜，和朋友來試試。We Love Dining 晚餐，118元/位：#前菜：有３款，呷醋木耳、七彩茄子、橙棍冬瓜，全部都好吃！#點心：也有３款，黑松露粉果、肝醬春卷、XO醬帶子餃，粉果和春卷好好味！帶子餃的皮有點塌，我覺得是翻蒸的！#熱菜：有２款，蟲草花紅棗蒸雞、畺䓤燜三文魚腩，全部都好吃！#湯：海鮮酸辣汤，挺辣的！#甜品：奶凍，一般！套餐不包茶位，每人點自己的茶，荔枝紅茶和玄米綠茶，都挺好喝的！…查看更多

上次吃越南野嘅時候，先至發現到呢間姊妹店，同上次So Tam一樣，喺銅鑼灣有一個非常唔錯嘅環境，配合幾優質嘅價錢，基本上沒有不試的理由。 餐廳主力食粵菜，加上又有點心又有好多精選套餐下午茶等，又做緊折，都幾受人歡迎。 餐廳格局同 So tam基本上一樣好cozy，有種好舒適嘅休閒感覺，好似星期日去咗咖啡店坐一樣。 當日試咗幾個前菜，有梅酒秋葵、蔥油蟲草，和風山藥，三個前菜都好開胃，尤其是山藥加上胡麻醬，感覺特別。 加入左梅酒嘅秋葵原來係有咁嘅化學作用，自己喺屋企都可以試吓整。 蔥油蟲草就更加口感豐富，有蟲草有木耳又有甘筍同萵筍絲，加上蔥油之後，更迷人。朋友喜歡吃炸物，於是點了香芒炸蠔，椒鹽魷魚酥同香茅墨魚，我個人較喜歡香茅墨魚，送啤酒一流。 聽人講呢度嘅點心都幾好食，當中最出色一定係呢個芝士燒賣，香港燒賣關注組嘅成員，絕對值得嚟探訪一下。 另外有色蝦餃個樣真係好精美，而且入面充滿着滿滿嘅蝦肉，好食。 素菜餃相對賣相同口感相對冇咁突出，不過都可以一吃。 點了非常之有新意嘅饅頭肝醬，呢個完全係好似西餐咁嘅配搭，豬肝醬好好味，當然非常邪惡，怕肥嘅人可能未必夠膽食太多。 冬天一定要食羊腩煲，呢度嘅羊腩質素都很高，而且個湯又完全唔鹹，加上其他冬菇，筍都非常入味，每件羊腩都炆非常之軟綿綿，又唔會太肥，絕對推介。 相對花雕醉雞雲吞煲份量細少少，但係咁凍嘅冷天氣整碗湯食粒雲吞，都幾滿足。 完全冇諗過食一間餐廳會意外咁發現另一間餐廳嘅驚喜，呢間嚐捌開得出奇地低調，希望捱過疫情，之後一定會更上一層樓。 嚐•捌 銅鑼灣羅素街8號英皇鐘錶珠寶中心2樓…查看更多

經openrice訂座有九折，但入座的時候，店員 同我說兩點半後入座有八折，感覺店鋪都幾均真。店內用一個試館載滿茶葉，放在個杯裏面再加水，啲茶就會慢慢滲出顏色，都算是一個新嘗試，但水唔夠滾，茶自然欠奉。想試啲新款點心，但種類好似好少，因大部份也在“飲茶”試過了。<菠蘿叉燒酥>焗得夠脆和暖，酸味蓋過了叉燒的味道。<透明波波>原來是一粒鋪滿了蘿蔔粒、菜粒和菇粒的餃， 皮是透明，而且都幾煙韌。<時菜蝦餃>都有一隻蝦在裏面，皮亦沒有散開。<海膽炒飯>完全吃不到海膽的味道，而且飯的味道較淡口，有點被騙。<橙棍冬瓜>這個值得一試，橙的味道和冬瓜很配合，冬瓜也很爽口。<流口水雞>雞不夠新鮮，肉質都幾韌，辣味足夠，還帶點花椒香味，花生脆口。<和風山藥>其實唔需要將山藥切開八條，四條都已經夠啦！麻醬落得太重手，浪費了山藥。<墨魚油條>油條炸得脆，可是有點油膩，墨魚都幾香，最重要要點酸甜醬。<榴槤糯米糍>糯米糍都幾煙韌，榴槤都幾香。…查看更多