慈素小聚

营业中

休息中

過年喺深圳，朋友請我食齋，味道唔錯。今次佢來香港，輪到我請番佢。喺openrice搵到呢間，地方當然冇深圳咁大，但係裝修好好，綠色為主調带出蔬，素為主題的慈素小聚之意。“椰汁雪耳無花果燉湯”和“香菇竹笙菜胆翅湯”，湯底鮮甜，足料好好飲；“香芒天婦羅炸豆腐”表皮鬆脆，豆腐嫩滑；“椒鹽白靈芝菇”看似普通，但食落都好好味，以為自己食緊魷魚絲咁。以上所有皆佳，但係呢個“素食三文魚拼盤”就更加令人驚嘆，外表接近100%的相似度，而食落的感覺亦係似足三文魚和鮑魚的口感，價錢又唔貴。唔使成日去大陸消費啦，香港都有唔貴又高質的好嘢食吖。“惹味冬陰公金邊粉”、“香芋鮮奶”、“椰汁芒果布甸”和“綠豆椰汁糕”係今日的主食，甜品，飲品，都一樣惹味精緻吸引。