莆田 (美麗華廣場2期) (已結業)

莆田係一間來自新加坡的福建菜餐廳，今日同約咗好耐的朋友終於有機會來試下。夜晚放工來到都幾多人，需要等下位，建議預早打電話訂位。蝦苗拌頭水紫菜，$52,是開胃小菜之選，紫菜夠軟稔滑身，酸酸甜甜，冰凍的幾好食，蝦苗撈埋一齊食味道好夾。黃金荷葉包，$29/個，包係炸過，表皮好香脆，加埋有芝麻好香，咬落軟熟，夠熱，夾埋洋蔥牛肉一齊食好，味道層次好豐富。酥炒芋芯，$89,細細粒的芋頭炸過特別香脆，表面仲有一層糖漿，燒得卜卜脆，入面係好軟腍的芋頭肉。百秒黃花魚，$89, 煮得好淋身入味，魚肉夠軟稔入味，魚湯都好清甜。莆田滷麵，$89, 湯底好濃稠，味道夠鮮甜，麵質彈牙煙韌，煮得入味。