越男仔 (已結業)

喺荃灣廣場放工之後想醫肚。一直都覺得大壩街唔錯，係放工／睇戲後醫肚嘅好地方，有好多唔同種類嘅食物可以揀可以試。今日見到呢間食越南菜嘅越男仔，我俾佢個餐牌吸引咗去試。我發現佢哋食物選擇都好fusion新派越南菜，超級多選擇，又有海鮮，好吸引。絕對會啱多心嘅人。餐廳環境有越南特色，氣氛悠閒坐得舒服。樣樣都好想試吓眼闊肚窄之下，我揀咗：越式窩蛋火車頭河粉 $95比我想像中大碗。湯頭係好濃嘅牛骨湯。忍住唔住飲多幾啖。😋好多配料例如有：牛肉，生牛肉，牛筋有2舊，牛栢葉，蛋。份量都幾多，足料抵食又好食。😍河粉零舍滑及爽身，兼索酒啲湯汁，好惹味。越南菜嘅河粉特別好食。👍金蒜脆雞翼 （跟餐+ $29）都好大份，3大隻雞翼。肉嫩滑，炸得好香脆，兼夾有蒜粒，令到雞翼好香口惹味。😋香茅薑蜜（跟餐+ $29）味道唔會好甜，清甜解渴，好有東南亞風味。總消費加一後約$168。百幾蚊食到好食又抵食嘅越南菜唔錯，推介大家試吓。