點心到 (鴻星大廈)

营业中

休息中

邊個話食點心係老一輩嘅專利🤨呢間新派港式點心裝潢時尚，仲有各種懷舊同新式點心選擇，吸引到好多年輕人慕名而來🤭🖤黑金流沙包 $25必點菜式之一，外表特別好適合打卡📸黑色竹碳包有微微顆粒，口感鬆軟，無滯感。奶黃流沙香甜帶香濃奶香，混合鹹蛋黃，必試🤩🥬黑松露菜苗餃 $27配搭特別，先有黑松露香味，再食到鮮嫩菜苗、豬肉餡，不論口感同味道都好有層次😍🥚懷舊鵪鶉蛋燒賣 $26新式茶樓竟然有呢款懷舊菜式🤭燒賣皮嫩滑，豬肉餡保留肉汁，鵪鶉蛋大大粒👍🏻🫑燒汁釀虎皮椒 $24足料之作，鯪魚肉較厚，魚味鮮香口感結實，虎皮椒已去籽所以唔辣。🐓鮑汁鳳爪 $28汁底同豬腳薑味道相似但無薑味，質感濃厚，鳳爪軟腍非常入味。🦐韭黃鮮蝦腸 $28鮮蝦新鮮大隻口感彈牙，腸粉皮細嫩滑溜👍🏻🦐晶瑩鮮蝦餃 $16經典之選，鮮蝦同上，蝦餃皮軟滑彈牙。🐔豐料糯米雞 $30份量多，肉汁多而濃味，雞肉嫩滑有肉汁，糯米口感彈牙帶荷葉香氣。