點心到 (鴻星大廈)

餐廳：點心到地點：油麻地彌敦道菜式：中式點心餐牌：餐廳推介、餃點類、酥點類、生滾粥、小食、中點類、包點類、腸粉類、飲品、蔬菜類、原盅燉湯、甜點類、籠仔蒸飯類。價錢親民。茶位每位$5。落單用QR Code。蝦餃 (4粒) $34呢度可以選擇叫蝦餃燒賣4粒或者兩粒！蝦餃塊皮厚薄適中，入面餡料爽口，無辣椒醬食都唔錯。燒賣 (4粒) $34燒賣真係有大大粒蝦係面，面頭再加上蟹籽，下底係啖啖肉爽爽脆脆。兩粒燒賣就$18。欖仁馬拉糕 $23欖仁馬拉糕係圓形蛋糕，蒸得好鬆軟，好香蛋味，面頭有少少欖仁。b]醬皇金錢肚 $28醬皇金錢肚有7塊，口感係完美爽口彈彈地牙又滑滑地，個汁少少辣，好惹味，唔會太油或者重口味，面頭加上紅綠辣椒。下底居然有3粒冬瓜粒，可降低油膩感。蜜汁叉燒腸 $28蜜汁叉燒腸一客兩大條切開六邊，半透明白色腸粉皮包住叉燒餡，上枱時先加豉油。腸粉滑溜，入面叉燒餡都唔錯。楊枝甘露 $25楊枝甘露好足料，有新鮮芒果粒、柚子肉同西米，味道甜度適中，甜得黎帶少少柚子甘甜，西米超多，夏天食好正！所有點心都係即叫即整，熱辣辣上枱，質素高，而價錢並唔貴，食左咁多點心人均一舊水，無加一。平日午市要搭枱，環境算乾淨企理。…查看更多

鍾意食點心，點心當晚餐既，一定揀油麻地點心到😛口碑一直都好好既點心到，所有點心都做得好出色，今次出左新花款既點心到，試試佢既新搞作🤭1. 香茜牛肉腸 $28 腸粉水準一直甘高，都係甘滑2. 燒汁釀虎皮椒 $28 每次都會點，虎皮椒都夠香3. 蜆蚧鯪魚球 $28 外脆內軟好香口4. 五香鹹水角 $24 脆口又香口5. 香煎蘿蔔糕 $24 煎得都好好食6. 陳醋香茜餃 $29 新野😛第一次試，香菜控最愛必食7. 籠仔鳳爪排骨飯 $38 想食飯鳳爪排骨送飯都正茶位$5 位，茶水口味也不錯，抵飲👍…查看更多

[點心到].識我嘅人都知我鍾意食點心🥧呢間喺旺角專門食點品 地方寬敞光亮 免❣️加❣️一❣️.🌟 卡通流心芋蓉包外形好cute cute呀🥰 有哈哈笑😄又有扁嘴😣芋蓉餡料濃郁順滑 有少少🤏流心甜而不膩 小朋友和大朋友都一定鐘意😍😍.🌟香脆明蝦紅米腸紅米腸皮Q彈 蝦仁鮮甜煎炸後外脆內軟 風味獨特.🌟籠仔煎蛋牛肉飯$38 好❗️大❗️份❗️牛肉嫩滑 煎蛋香氣撲鼻米飯吸飽醬汁 簡單又🈵足.🌟鮑汁鳳爪一直都係我必點點心🥧鮑汁濃郁 雞爪入味軟糯 膠質豐富 味道濃厚但不油膩.🌟沙律明蝦角蝦角外皮酥脆 內餡鮮美沙律醬增添清新風味.點心有創意又多款選擇樣樣都有份量而且即叫即蒸 熱辣辣.📍油麻地彌敦道484號鴻星大廈地舖…查看更多

放假同同媽子飲茶～呢度茶錢只係$5位超抵食～👉🏻蝦腸呢度啲蝦腸有少少煙靭，好特別口感好好。👉🏻籠仔鳳爪排骨飯標榜用絲苗米蒸飯，落左單等左15分鐘左右，飯粒香軟，唔太濕有咬口，仲有米香。依家唔係隻隻米都有米香。排骨鳳爪醃得好，送飯ichiban。👉🏻燒賣叫左兩粒過下口癮，燒賣有粒大蝦仁，新鮮彈牙，咬開係手切肉片，心機嘢。👉🏻鮮蝦春卷春卷即叫即炸熱辣辣，無油淋淋，乾爽脆口。啖啖蝦肉性價比高。…查看更多

今日黎到油麻地搵食，比我地發現左呢間餐廳，就入去試下啦，服務員熱情既招待，好快就入去坐，平日都好滿座。好采今次唔使等岩岩有位。首先點左燒汁釀虎皮椒，有成四大條，賣相都十分吸引，燒汁令味道更加提升，更野味。而且唔會好油膩。口感一流。再叫多個荔枝蝦球，真係成粒荔枝咁，外面一層紅色既脆脆香脆可口，中間係蝦滑同荔枝碎整到一個球咁，外脆內軟，唔錯👍值得一試。我最欣賞係呢個芥末芝士糯米雞，呢個係我既最愛，面上有厚厚一塊芝士再加沙律醬，味道更加豐富。真係好好味。必食之選。$36蚊就食到，非常抵食。世界級享受。跟住再叫多個生滾荔灣艇仔粥，呢個粥底好帛，有幾塊魚片，味道口感一流。值得一試，份量十足。再叫多個欖仁榴槤酥，炸到金黃色既外皮，皮薄餡靚，好香濃既榴槤味。非常新鮮。重叫左五香鹹水角，煙煙韌韌既外皮，而且唔會有油膱味，都係幾唔錯既選擇。最後試咪個蝦餃，皮薄餡靚，大大粒一啖一口，非常過癮。口感一流。…查看更多

今日夜晚黑先想食點心，去咗油麻地嘅點心到，由朝到晚都有茶飲！✅✅✅燒賣 🥟 皮薄餡多，豬肉鮮嫩彈牙，味道香甜，入口多汁，係經典點心必點！潮州粉果 🥡 外皮晶瑩Q彈，內裡鮮蝦同豬肉鮮味十足，口感豐富又彈牙，好有潮州風味。醬皇金錢肚 🐄 牛肚燉得軟腍入味，醬汁香濃帶醬香，口感彈牙滑嫩，滋味濃郁。四寶滑雞扎 🍗 雞扎肉質滑嫩，配料豐富入味，味道鮮美，係餐桌上嘅滋補佳品。韭黃鮮蝦腸 🌿🍤 腸粉皮滑細嫩，包住爽脆韭黃同鮮蝦，清新香口又富層次，食一口就愛上！鮑汁鳳爪 🍗🐚 鳳爪醬汁濃郁，慢燉入味，肉質軟糯又帶膠質，鮑魚汁提香，食完回味無窮。蝦餃 🍤 晶瑩剔透嘅皮包住鮮甜蝦仁，口感爽彈多汁，好似一口海洋嘅鮮味。基本上都唔算貴，而且全部手工作，最欣賞佢係蝦燒賣有2隻2隻咁叫✅✅…查看更多

朋友喺外國返嚟，就係咁話要食點心，終於俾我搵到一間夜晚都有點心食嘅餐廳。香脆明蝦紅米腸腸粉眩惑，內𥚃嘅油炸鬼好酥脆，而且包著新鮮嘅蝦肉，咬落去有一種鮮甜嘅口感，朋友大讚。鮮竹牛肉球牛肉球外表滑溜，口感彈牙，咬落去有層次感，識食嘅一定要點喼汁食。欖仁馬拉糕馬拉糕鬆軟濕潤，口感輕盈，味道甜而不膩。籠仔鳳爪排骨飯個飯又荷葉墊住，飯特別香噴噴，鳳爪入味，排骨軟嫩，整體好出色。潮州粉果粉果皮薄而韌，咬落去有彈性，內裡餡料鮮美，帶有一點點的香菜味，清新又開胃。蝦餃蝦餃皮薄透，裡面嘅蝦肉鮮甜，口感滑嫩。五香鹹水角鹹水角外皮酥脆，內裡餡料香濃，咬落去有種香脆同咸香嘅完美結合，令人一口接一口。…查看更多

見咁多人食就入去試吓 點知中大伏 同朋友都表示好難食 個程度係請都唔去首先見做緊宣傳都係做follow 嗰啲就送杯凍檸茶 一飲 咖啡味嚟 明唔明嗰吓知道係凍檸茶 一飲落去係咖啡味有幾衝擊？我以為自己味覺問題 叫朋友一飲 朋友唔飲咖啡的 佢飲完即刻揦埋口面 根本完全咖啡嚟 但我又見入面係有檸檬即刻覺得好嘔心 第一下諗會唔會係二手😖😖之後就諗佢應該沖錯個底？叫個店員佢仲好愕然好似唔想換咁 我心諗我仲愕然過你呀…最後咁簡單嘅事 竟然要個老細行埋嚟親自叫啲員工沖過杯佢哋先肯做嘢 真係呆晒 唔通一杯送嘅凍檸茶我哋都呃你？同埋送嘅都可唔可以唔好咁求奇跟住陸續上菜 菜苗餃三粒有一粒菜都冇 其餘兩粒就少量啦 然後入面就得蝦 大佬我就係鍾意食菜苗餃 冇菜嘅我不如叫返蝦餃？之後見枱枱都叫荷葉飯 嗌個試吓 但佢根本就係將鳳爪排骨飯轉咗個器皿上 可以話完全冇荷葉香又嗌咗一個炸兩唔似炸兩只係有啲蘿蔔冇乜料嘅脆皮腸 見佢推介咪試吓 點知入口就係一大pat漿咁係唔知自己食緊啲乜流沙包入面啲流心係水咁嘅質地 完全唔係沙狀 我哋覺得都唔係咁好食 但比起其他已經算正常了 另外其他都係一般 冇特別好食或難食 但總括嚟講服務同難食嘅程度下次真係請都唔去 用心整點心小店大把 冇需要喺度受難😂…查看更多

平台買的下午茶套餐包凍咖啡，不可以轉其他飲品。咖啡偏甘苦。已包茶錢。算好抵食。茶餐有兩粒蝦餃，蘿蔔糕，鹹水角。打卡送凍檸茶。茶底偏淡。另外再點了兩個點心。蝦餃 — 皮薄餡靚，蝦肉爽口彈牙，鮮味十足鹹水角 — 外脆內香，外皮炸得金黃酥脆，咬下去有「咔擦」聲，內餡則是香菇、豬肉與蝦米的混合，鹹香濃郁。糯米皮帶有微甜煙韌。蘿蔔糕煎得很香。但太多粉做有點散。沒餡料。另外點了：鮮蝦腸 — 滑嫩腸粉，蝦香滿溢。腸粉皮好滑而有彈性，厚薄適中。鮮蝦大大隻，飽滿，鮮甜彈牙。每一件都包住一隻蝦。鳳爪排骨飯 — 鳳爪滷得入味，排骨啖啖肉，醃得恰到好處，鹹香中帶點豆豉的味。米飯吸收了鳳爪與排骨的醬汁。美味。…查看更多

籠仔煎蛋牛肉飯 $38 
一上枱就驚喜！超大籠，份量真係多，絕對夠兩個人食！牛肉超級嫩滑，煎蛋仲係完美流心，撈飯真係無得彈。仲有淡淡荷葉香，$38蚊咁大份，真係勁抵食！
燒賣(4粒) $34 
燒賣大大粒，豬肉同蝦肉比例啱啱好，咬落去爽口彈牙，味道好正宗。
蝦餃(4粒) $34 
蝦餃皮薄得嚟夠煙韌，完全唔會黏牙！入面嘅蝦肉又大隻又爽脆，仲要鮮味十足，一啖咬落去仲有少少湯汁滲出，真係做到皮薄餡靚！
沙律明蝦角 $30 外皮炸到金黃香脆，入面係滿滿嘅彈牙蝦肉，鮮甜多汁！每件都脹卜卜，真材實料，熱辣辣上枱，食落特別過癮，加埋沙律醬，味道層次即刻昇華。
陳醋香茜餃 $29 呢款有啲驚喜！皮薄透亮，陳醋香味好突出，芫茜同肉餡配搭得恰到好處，食落清新爽口。鍾意芫茜嘅朋友可以試試。
潮州粉果 $23
粉果皮煙韌得嚟唔黏牙，一啖咬落去先係花生嘅香脆，跟住豬肉碎嘅油香慢慢滲出，仲有啲爽口嘅沙葛粒增加口感！傳統嘅餡料配搭得啱啱好，鹹香中帶少少甜，食完成個口都仲留有餘香！ …查看更多

呢幾年幫襯點心到係廟街分店都好多次，近排佢地有間分店近油麻地地鐵站出口，所以轉左去呢一間到食。食咁多次點心真係即叫即蒸，廚房出黎都係熱既，食物質數都保持到既。今日再食，我朋友坐低剛剛入完單，叫左個蒸义燒腸粉，未夠十秒佢即刻拎碟腸粉出嚟！冇煙出，試完係凍既，佢跟住拎入去再換個碟出嚟，係張頭先個碟既豉油搗左再番蒸，蒸到啲腸粉冧晒。我係呢到多數都叫腸粉，新解蒸既腸粉點會咁樣，唔好玩啦。個待應仲夠膽話呢碟係唔同既🤬，跟住我叫佢拎走取消。香港飲食業已經好難做生意，你夠膽咁做，希望你諗吓第日生意如果轉差就唔好怪人。…查看更多

原隻蝦燒賣 同 #晶瑩鮮蝦餃 絕對係必點～ 蝦肉爽彈到會跳舞🦐最貼心係可以兩件兩件叫，兩個人試多幾款都唔怕滯！ 榴槤控要尖叫啦～ #欖仁榴槤酥外皮千層酥脆，入面流心榴槤餡香濃到爆💛#榴槤雪媚娘皮薄餡多，冰凍口感似食緊榴槤糯米糍冰淇淋🍨甜品胃即時被征服！ 重點推介 #籠仔金銀蒜海蝦飯🔥蒸飯吸收晒蒜香同蝦鮮，金銀蒜炸得香脆，海蝦彈牙，揭開竹籠蓋時熱氣騰騰，蒜香撲鼻～ 新派點心嚟講絕對係驚喜之作🎋！ #黑蒜螺片燉肉排湯真材實料，黑蒜嘅醇厚同螺片嘅鮮甜完美融合🍲，飲完成個人暖笠笠，完全冇味精嘅死鹹，滋補又舒服～ …查看更多

意外發現嘅點心舖，雖然餐廳比較細，坐得比較迫，但係每碟點心都有質素，可以一試～🌼豉汁蒸鳳爪鳳爪軟嫩入味，唔會太淋太重醬。🌼鮮蝦腐皮卷腐皮卷外層脆卜卜，入面有蝦同芫荽等等嘅配料，食落好香口好夾，推薦！🌼蝦餃（2粒），燒賣（2粒）蝦餃外皮薄透，蝦仁彈牙有咬口；燒賣用料足，大大隻蝦仁放面，非常靚仔～🌼黑金流沙包真流沙包🤣咬開後流出滿滿鹹蛋黃奶黃…查看更多

🫖呢間點心專門店全日都有點心供應,裝修走木系風格,店內使用QR code落單👍🏻茶位$5@1蝦餃（4粒）$34皮薄餡多😍蝦爽口彈牙😋四寶滑雞扎 $32雞扎入邊有雞.魚肚.芋頭同蟹柳.雞肉質嫩滑,同其他餡料都整得入味😋金沙脆皮銀蘿腸 $29腸粉口感軟滑👍🏻入邊包住油炸鬼同白蘿蔔,整體口感豐富😍三絲鮮蝦春卷 $28春卷炸到脆口🤩內餡飽滿,鮮蝦肉質彈牙😋蜆蚧綾魚球 $27綾魚球炸到香脆😍綾魚味幾濃,點埋蜆蚧醬,好惹味😋香煎蘿蔔糕 $22蘿蔔糕煎到金黃色😍有蘿蔔嘅鮮甜,香氣十足😋燒賣（2粒）$17燒賣肉質鮮嫩,面頭有隻蝦同蟹籽,肉質爽口彈牙😋…查看更多

點心到係油麻地都有分店，就約咪閨蜜黎享受下美味點心。首先我地點左炭燒山楂鴨絲包，呢款味道好似菠蘿包加叉燒包混合體，甜甜地一次滿足兩種口味，我自己十分喜愛。第二款係燒汁釀虎皮椒，呢款非常野味，有咪少少甜豉油令味道更加提升。大大份十分抵食。第三款係薑蔥牛柏葉，呢個味道都唔錯，口感好爽，連啲汁都飲咪就知幾美味啦。第四款係龍仔金銀蒜海蝦飯，呢個非常有誠意，大大籠睇見都流曬口水，爆蒜撈飯食真係好味到唔停得口，加咪甜豉油真係無得輸，必點之選。第五款係鮑螺片滑雞粥，粥底好帛，雞肉唔算多，但係粥底都好有雞味。大大碗好抵食。襯熱食係最好味。最後一款係四寶滑雞扎，呢個好新鮮。味道都唔錯，一次可試曬四款口味。都係不錯之選。…查看更多