稻香.茶居 (荷李活商業中心) (已結業)

一向飲茶都中意去稻香，款式多價錢又唔貴😋只係偏向舊式啲，感覺無咁光鮮四正。呢間新開既稻香茶居一改傳統風格，走新派智能化路線，有智慧型電池爐煲水出水，加茶加水加熱全自動化依家下午茶時段超抵食，尊特大中小點一律小點收費 新裝修當然唔少得新式點心，多左唔少嶺南風味既一盅兩件。皮薄細滑，豬肉同鮮蝦打成既肉餡鮮嫩彈牙，表面放上切半既鵪鶉蛋同蟹籽，食起黎無咁漏又無咁邪惡。外皮造成貝殼狀，口感煙韌，包裹住拌入鮮貝既鮮蝦蓉，增添幾分爽滑。順德香煎魚餅煎得偏油身，好在佢嫩身得黎無咩骨，配上惹味蜆芥拉返少少分。整體黎講以下午茶優惠食環境食服務係幾抵食，可以一戰。