影片
更多
2025-04-09
36 浏览
「Lounge Hakuba」位於銅鑼灣Tower 535，即世貿中心邊旁，係一間日式居酒屋，餐廳係位於中庭位置，較Open Air，每檯之間加設一部空氣清新機，因此空氣味道唔大，怕煙味及易打冷顫人士都可以放心。今晚揀選左十一品二人前套餐，$650/2位，加埋一$715，整體食物貿素唔錯，又食到好飽，滿意！Karakusa Luck 唐草 ($128): 飯前先點杯Cocktail，餐廳有八款特色Cocktail，唔少都幾吸引，呢款Kinobi Gin做Base，加入Green Chartreuse、Lime、Ginger及Rosemary Syrup，Gin味及青檸味作主導，帶少許薑汁味，甜甜地幾易入口，都幾好飲！前菜 — 芥末八瓜魚、灸燒北海道帆立貝、灸燒三文魚：三文魚及帆立貝都幾滑，味道都係能想像，無話好特別；但芥末八瓜魚又幾出色，爽滑彈牙，芥末味濃，食到停唔到口，而且份量多到我食完甜品都仲挾緊黎食……逸品料理 — 唐揚炸豆腐及甜甜辣辣炸雞：前者外脆內滑，甜甜地；後者與韓式甜辣炸雞相類似，脆辣香甜，口味偏濃。太卷— 壽喜燒牛肉及牛油果忌廉芝士：前者以紫菜包飯裹著壽喜燒牛肉，肉汁滿
今晚揀選左十一品二人前套餐，$650/2位，加埋一$715，整體食物貿素唔錯，又食到好飽，滿意！
Karakusa Luck 唐草 ($128): 飯前先點杯Cocktail，餐廳有八款特色Cocktail，唔少都幾吸引，呢款Kinobi Gin做Base，加入Green Chartreuse、Lime、Ginger及Rosemary Syrup，Gin味及青檸味作主導，帶少許薑汁味，甜甜地幾易入口，都幾好飲！
前菜 — 芥末八瓜魚、灸燒北海道帆立貝、灸燒三文魚：三文魚及帆立貝都幾滑，味道都係能想像，無話好特別；但芥末八瓜魚又幾出色，爽滑彈牙，芥末味濃，食到停唔到口，而且份量多到我食完甜品都仲挾緊黎食……
逸品料理 — 唐揚炸豆腐及甜甜辣辣炸雞：前者外脆內滑，甜甜地；後者與韓式甜辣炸雞相類似，脆辣香甜，口味偏濃。
太卷— 壽喜燒牛肉及牛油果忌廉芝士：前者以紫菜包飯裹著壽喜燒牛肉，肉汁滿滿都幾香；後者牛油果忌廉芝士又creamy及refreshing，食落清爽仲可解解膩。
串燒 — 紫蘇雞腿肉、明太子山藥、金菇肥牛卷、流心蛋豚肉卷：雞腿肉嫩滑惹味，加紫蘇葉頗香；金菇肥牛卷香滑Juicy，牛味濃郁；流心蛋豚肉卷爆曬漿，蛋香豐富，甜甜地幾好食！
主食 — 壽喜燒牛脊肉炒烏冬：牛脊肉嫩滑，且牛味濃郁，烏冬以壽喜燒汁炒製，香甜味濃，口感爽滑，幾好食！
甜品 — 烏龍茶牛奶布甸：甜品有驚喜，牛奶布甸質感非常奶滑，奶香突出，仲有陣陣烏龍茶香，好食！
张贴
