楚撚記大排檔 (寶光大廈)

营业中

休息中

楚撚記大排檔長期排隊, 今次終於食到。 餐廳裝修偏舊式大排檔風格，有老香港嘅味道。有冷氣，環境乾淨, 但座位稍窄, 枱與枱之間較為擠逼, 有人行過要避下，同隔離枱好近, 傾計唔太方便。菜式多，價錢親民。咕嚕肉酸酸甜甜，份量唔算大份。酥炸黑松露芝心手工乒乓球牛丸，炸得比較乾身，牛丸芝士餡，幾特別。激辣避風塘水魷，少少辣，汁比較稀。豉椒鵝腸，鵝腸爽口，豉椒汁較咸。整體覺得一般，可能見到長期有人排隊，期望太大，餸菜無期待中咁好食，無咩鑊氣！唔使排隊可以試下。