影片
更多
2017-10-18
569 浏览
家中特級長老九十幾歲，只愛食中菜，每朝都幾十年如一日，日日都一早去飲早茶。約佢食午飯同晚飯，除左要火車沿線，仲一定要食中菜。星期日(15/10)，沙田偉華中心開左一間富臨薈，係富臨集團旗下新派中菜食店。門口好大，好多途人都駐足觀望查詢，好難先影到一張少人啲嘅相咋。仲有即影即有活動，但只係為期三日，如果KEEP住有就好喇~ 啱晒我屋企老人家，冇智能手機，印左相就可以得閒攞出嚟睇吓。晚市六點先開始，老人家要一早嚟等入坐，人哋店員都仲喺度做緊briefing，趁未有人入坐，最啱影吓相~ 店內寬敞偌大，枱與枱之間空間感足，坐位舒適。廚房工作人員正在忙碌準備。老人家最關心嘅問題係︰有冇早茶飲架? 唔好意思，係冇你啲「特」早茶飲架，10:30am先開，不過全日茶位只係$6，每點一款飲品仲可以減收一位茶位!嘢食好多款，有八頁選擇﹔飲品亦有兩頁揀。店員推介六大必食產品，餐牌亦有詳細介紹。【沙田燒乳鴿$25】正價$48一隻，但而家特價$25，每人限購一隻，如果叫嘅數量係多過人頭數，多出嘅就會收返正價。咁平，點可以唔叫呢?不過一人食一隻都已經好飽，食半隻就最滋味。用鴿油嚟炸，特別香濃。呢隻的確係乳鴿嚟，唔
仲有即影即有活動，但只係為期三日，如果KEEP住有就好喇~ 啱晒我屋企老人家，冇智能手機，印左相就可以得閒攞出嚟睇吓。
晚市六點先開始，老人家要一早嚟等入坐，人哋店員都仲喺度做緊briefing，趁未有人入坐，最啱影吓相~ 店內寬敞偌大，枱與枱之間空間感足，坐位舒適。
廚房工作人員正在忙碌準備。
老人家最關心嘅問題係︰有冇早茶飲架? 唔好意思，係冇你啲「特」早茶飲架，10:30am先開，不過全日茶位只係$6，每點一款飲品仲可以減收一位茶位!嘢食好多款，有八頁選擇﹔飲品亦有兩頁揀。
店員推介六大必食產品，餐牌亦有詳細介紹。
【沙田燒乳鴿$25】正價$48一隻，但而家特價$25，每人限購一隻，如果叫嘅數量係多過人頭數，多出嘅就會收返正價。咁平，點可以唔叫呢?不過一人食一隻都已經好飽，食半隻就最滋味。用鴿油嚟炸，特別香濃。呢隻的確係乳鴿嚟，唔係老鴿，肉都算多，亦好嫩滑，必點之選!
【有雞先定蛋先$38】一個籃入面有三隻雞仔同兩隻蛋，雞仔仲張開對翼，造型好可愛，小朋友就最鍾意~
雞蛋布丁望落已經超滑，一啖啖滑入喉嚨，甜味適中，仲有陣陣芒果味喎! 雞仔係咸水角，望住佢有啲唔捨得食，糯米皮做得幾薄，軟糯之餘又炸得香脆。
【發過豬頭點心拼盤(5件)$68】一籠有齊五款點心，可以試晒咁多款味道，揀啱最鍾意嗰幾款就可以逐籠叫。
<紫蓉豬八戒($28一件)>肥豬仔造型，入面係好香紫薯清香嘅薯蓉，唔會太甜，但層皮厚；
<墨汁鮮蟹餃($38三件)>黑色嘅墨汁餃皮包裹住好大粒蝦仁，夾雜住一梳梳蟹肉；
<真係粟米包($38三件)>外型扮返個粟米，幾得意，入面係粟米蓉，特色；
<黑金流沙包($38三件)>奶皇包，奶皇餡係流心，皮厚；
<翡翠白玉餃($38三件)>白菜蝦蛟，顏色靚，上面仲擺左一啲蛋絲裝飾。
【 西班牙膏蟹飯$680】用左兩大隻西班牙膏蟹，連埋個飯底，一大鍋上枱，真係好震撼!!!
真係未食過咁多膏嘅蟹，兩個蟹蓋裝滿黃黃橙橙嘅膏。
攞起個蟹蓋，蟹件都密鋪整個飯面。蟹肉好多，亦都夠晒鮮甜。
要趁熱將蟹膏撈落個飯度。成個飯變成金黃色，入口煙煙韌韌，吸收晒蟹肉同蟹膏精華，真係正!!
由於用鐵鍋上，食到最後都仲可以保持溫度。雖然要$680，但四個人都食唔晒，一嚐爆多蟹膏撈飯嘅滋味，計落又唔貴。呢度環境舒適，價錢合理，連夜晚都可以嘆到特色點心同中菜，啱晒一家大細唔同口味。後生仔覺得係潮食，就連我家特級長老都好滿意，以後又多一個好選擇!
张贴
