新森林焗之專門店 (已搬遷) 新店位置

旺角周圍都咁多人, 難得見到呢間咁新ge鋪唔算多人, 梗係試下佢個tea啦! 好肚餓, 所以叫左呢個set:勁大碗叉燒蕃茄意粉+足料奶油脆豬+濃味熱奶茶 都只係26蚊, 真係好抵好抵好抵。叉燒蕃茄意粉其實都係一般, 叉燒太瘦有d硬, 個蕃茄意粉味道唔係好夠! 奶茶都好濃, ok呀!但驚喜ge係個tea入面ge奶油脆豬!!!呢個奶油脆豬真係好足料, 牛油一大舊, d練奶係多到流出黎架, 個包又脆又大個!!! 正個朋友食左呢個:司華力腸配薯條, 呢個就不過不失啦, 飲品叫左好立克, 基本上都冇乜味, 同奶茶ge水準爭好遠都幾多間分店架, 經過的話真係可以一試佢個奶油脆豬!!!推介