影片
以上资料只供参考，请与餐厅确认详情
相约咗啲同学仔系旺角等咁问佢地想食啲咩 有位人兄就话去女人街求其入一间食 咁求其入一间都要睇下入边间架嘛 女人街咁长 同埋女人街真系全条街都系食肆所以其实都系上黎睇下有冇咩店铺岩口味先所以入去咁其实我有日突然想食新森林唔知点解 所以就叫佢地去新森林食咁我约咗系新森林门口等既 去到系未有口 要系门口等 不过唔系等咗好耐 大约五分钟啫入到去望咗阵餐牌 之后都系拣咗呢个芝士海鲜焗黑椒鸡皇鸳鸯饭再加六蚊整杯雪糕红豆冰咁等咗阵 个饭就黎到啦 咁其实佢系鸳鸯饭黎 一边黑椒味 一边鸡皇味 双重味道既我觉得鸡皇味个边比较好食啲 感觉上平均啲同埋同啲海鲜系夹啲 有两只焗虾仔 佢切开咗两边 冇除壳既焗得都算唔错 佢系鸡皇味个边 咬落都OK 唔系霉既 跟住仲有粒细细粒尤鱼仔咁 之后都系鱼块 不过不失 味道普通可接受之后黑椒味其实占碗饭冇鸡皇个边咁多 黑椒冇乜黑椒味 得少少辣味咁 唔算有乜惊喜之后有杯红豆冰 几多红豆架都雪糕系放冰箱 所以好硬既 但都系因为咁 冇咁易溶 唔错整体感觉上都OK唔错 环境一般但食物都唔差可以接受 价钱唔算话特别贵 但份量唔算多
继续阅读
之前department d 同事好钟意叫呢间下午茶外卖当晚餐食。今日中午起女人街食一个人的午餐就拣呢间。门面几新呢间有素食拣呢间好像出名食焗饭。我决定平平地嗌个特餐算。个饮品menu 几靓个饭话甘快就上，应该系一早整定？ 睇落去好似好细个，但唔知系咪太多汁，食完都几饱。d汁我麻麻地欣赏，我以为系日式咖哩味，但只味系怪怪地。热柠菜蜜好饮，$38 起油麻地有个饭餐包饮品确实系平，上菜速度都好快，用餐环境都算舒服
继续阅读
新森林是朋友仔其中一间他最喜欢餐厅，原因大件夹底食，今晚行开旺角，佢带我嚟试下。入到去见到是“浸信会爱群。。。”我相信是NGO有份营运的社会企业，感觉良好，觉得自己今晚的帮衬都有少少惠泽社群呢！招牌大只佬焗饭杂扒饭是也，可拣茄汁，黑椒汁。我们拣了黑椒汁，汁和饭份量都很多，我欣赏佢条脆皮肠，唔太咸，其他扒就厚粉咗少少，转用煎的话效果更佳。安格斯芝士汉堡/吉烈虾芝士汉堡主菜是迷你汉堡，自选两款，对安格斯芝士汉堡有点点期望，但实际上枱时肉质较实，口感有点像鲮鱼肉，牛肉感觉和味道都唔重。惊喜位是，咬到中间有芝士喺肉中间，芝士的爆泻感觉，加上算几香滑，抢返失去了的收视。芝士焗酿海鲜青口淡口芝士+海鲜碎粒焗青口，味道唔错，青口也新鲜，焗起来也不太硬身和干身。二人餐共三只，啱晒大食嘅朋友。黑咖喱鸡翼香口美味，肉质都够滑，附一兜咖哩汁，甜点浓，点唔点都没有太大影响。$138包饮品，真心抵食，细食女孩子3个人都够食，朋友仔无介绍错。缺点，餐厅内没有洗手间，想去餐厅洗手间，客人需要拎锁匙，离开餐厅兜一个大圈到后巷使用，甚为不便。本人当日都有尝试去后巷寻找，但行到一半已经觉得会幸会米奇，无胆去完成任务，最后餐厅职员细细声提醒，可以去返女人街前几个铺位的威达商业中心地下厕所，最后都顺利解决了。
继续阅读
又系烦恼食咩晚餐嘅时候，谂起好耐冇食过呢间焗饭，就试下佢有冇退步先因为本身唔系好肚饿，所以就黐老公𠮶餐，加钱食个沙律，我食左几啖老公个饭，个焗饭冇退步，都系咁多汁，又惹味不过我想讲个沙律，虽然只系普通蟹柳，不过佢加左D爆谷，确系有D惊喜，又有D新意其实佢仲有其他额外小食选择㗎加钱仲有餐汤同餐包，算唔错㖞餐包都唔hea㗎，有蒜蓉喺面餐汤嘅罗宋汤都一样，虽然唔系个D好足料嘅汤，不过都晤算太差总括嚟讲钟意食芝士嘅人，间中都可以帮衬下呢间焗饭😃😃
继续阅读
新森林呢一间餐厅，已经食左几次，虽然唔系堂食，好几次都系外卖饭盒，中秋佳节就食过到会，因为参加左一个义工服务,每一次都会去探访独居长者,新森林个老板亦都会赞助饭盒,等义工们可以送去比独居长者。。我哋每次做义工，都可以同长者一齐品尝新森林嘅饭盒，味道方面，非常符合老人家嘅饮食原则，低盐，低脂，低糖，少油，又健康。而且每一个饭盒都蕴含着无限嘅爱心，所以个人觉得味道真系非常好。不过饭盒的菜量可以加多啲呢，
继续阅读