影片
更多
2019-07-28
3368 浏览
Having the dream is easy, making it come true is hard!-銅鑼灣既金百利成棟都佈滿餐廳，無論你想食咩菜都可以搵到，今次有朋友介紹首家採用"柞木炭"做韓燒既餐廳，先簡單介紹下咩係柞木先，佢既特性係耐火燒，木炭一經燒就算熄左火，燒紅左既炭都夠你幾粒鐘瓦呀，仲有個好處係食物經炭燒後可以加強香氣，而餐廳佔地都好闊落，卡位坐得好舒服，而且燈光較暗，氣氛特別正，一坐低已經有前菜提供，員工服務都唔錯！👇📌Hanwoo Set - $1220/2 Persons♦ 1+ 韓牛精選拼盤(5款) 👉朋友話呢個套餐必試，雖然睇到價錢有少少貴，但物有所值，我又對牛肉特別執著，聽Staff講佢地既韓牛係不經雪藏，即切即用，呢個拼盤用到既牛肉主要黎自既肩胛位，係牛經常運動既部位，筋肉自然特別發達，食起上黎肉質都結實d啦！而主要肩胛再細分以下四個小部份：▪ 肩肉眼上蓋▫ 順住肋眼牛肉對落既筋膜切落黎，一小塊既上蓋肉，係整個肋眼肉既精華所在，會見到油脂花紋分佈均勻，輕輕燒一燒已經做到口感滑嫩，入口香濃！-▪ 肩押牛小排 ▫ 肉質相對嫩滑，咬落爽口有
-
銅鑼灣既金百利成棟都佈滿餐廳，無論你想食咩菜
都可以搵到，今次有朋友介紹首家採用"柞木炭"
做韓燒既餐廳，先簡單介紹下咩係柞木先，
佢既特性係耐火燒，木炭一經燒就算熄左火，
燒紅左既炭都夠你幾粒鐘瓦呀，仲有個好處係食物
經炭燒後可以加強香氣，而餐廳佔地都好闊落，
卡位坐得好舒服，而且燈光較暗，氣氛特別正，
一坐低已經有前菜提供，員工服務都唔錯！👇
📌Hanwoo Set - $1220/2 Persons
♦ 1+ 韓牛精選拼盤(5款)
👉朋友話呢個套餐必試，雖然睇到價錢有少少貴，
但物有所值，我又對牛肉特別執著，聽Staff講佢地既
韓牛係不經雪藏，即切即用，呢個拼盤用到既牛肉
主要黎自既肩胛位，係牛經常運動既部位，
筋肉自然特別發達，食起上黎肉質都結實d啦！
而主要肩胛再細分以下四個小部份：
▪ 肩肉眼上蓋
▫ 順住肋眼牛肉對落既筋膜切落黎，
一小塊既上蓋肉，係整個肋眼肉既精華所在，
會見到油脂花紋分佈均勻，輕輕燒一燒已經
做到口感滑嫩，入口香濃！
-
▪ 肩押牛小排
▫ 肉質相對嫩滑，咬落爽口有彈性，油花算適中，
色澤飽滿而且特別多汁，牛味相當濃郁！
-
▪ 特級牛小排
▫ 呢個部位既油脂係最豐富，入口相對比較軟腍
鮮甜，筋膜直程好似無咁，所以有入口即融既感覺！
-
▪ 肩眼芯
▫ 雪芯相當均勻，油花睇落係最靚既，
口感獨特，我最鍾意呢part，特別好食！
▪ 牛骨湯
▫ 原條牛骨以慢火熬煮，湯底清徹無比，
面頭有一大舊牛骨蓋住，食落d肉好腍滑，
底下既粉絲吸收哂牛骨既精華，味道相當濃郁，
配埋附送既紫菜飯一齊食，一絕呀！
▪ 海鮮煎蔥餅
▫ 雖然以基本食材，麵糊、蔥段、海鮮，
但要整得好食都要有技巧，今次呢個都算幾有驚喜，
餅身夠厚夠乾身，食落有蛋香又落足料，
外面金黃香脆，夾雜住多款海鮮幾有層次感！
▪ 魔法梳打 - $36
▪ 荔枝梳打 - $36
▫ 食得韓燒點可能唔整返杯凍飲呢，
嗌返杯梳打就最好不過啦，荔枝梳打就顧名思義裡面
就正正有荔枝肉啦，但魔法梳打原來係加左檸檬汁
後有化學作用會變色既蝶豆花，飲落又幾特別！
张贴
