潮藝館

营业中

休息中

新派潮州菜，不論裝修定菜式都精緻有格調，走輕奢華路線。今晚試試二人套餐。先來前菜，有串茄核桃沙律/茅台醉鮑魚/普寧布包豆腐。最鐘意鮑魚，酒味夠洪，同夠爽彈。湯品有胡椒豬肚湯。一路熱住非常好，胡椒味都幾香，豬肚好腍，比平日飲到嘅胡椒豬肚湯為清甜。主菜有日本椒仔炒嫩牛/碧綠川椒雞。一牛一雞作主菜菜式。牛肉炒得好香好嫩滑，日本椒仔清新，可以減低整體油膩感；雞件好入味，帶有椒麻香，微辣，配上口感脆身吧珍珠葉。蜆肉鵝肝炒飯。蜆肉配上鵝肝粒粆飯，實在少見。咸咸香香，飯粒炒得夠乾身。最後甜品係燕麥一口薯。蕃薯外蘸上砂糖同燕麥，甜甜地又有口感。