全記點心專門店 (已結業)

以前好鐘意去酒樓飲酒, 但大家都知佢D點心只做到下午茶所以夜晚想食一盎兩件都唔係易事好在而家有呢D點心專門店口痕就岩去食兩件走人哈哈今次嗌左既有黑松露鳳眼餃, 瑤柱珍珠燸米雞, 滋補藥膳鳳爪, 脆皮蝦腸粉黑松露鳳眼餃大家都知鳳眼餃本身係冇乜味, 加左黑松露之後無論味覺上還是嗅覺上都是加左好多分, 個皮唔算厚, 食落唔會似食緊香口膠咁!!瑤柱珍珠燸米雞超足料, 原本隻燸米雞已經好大隻, 撥走d飯發現入面勁多料, 又有雞件又有好多瑤柱等等,所以d飯就好夠味,d醬汁同配 菜既精華係哂入面!!滋補藥膳鳳爪一上台已經聞到有陣陣既藥膳味, 黑黑實實既雞腳唔單止表皮食到有藥材味, 連入面d骨都會有個隻味, 我諗係因為佢地會keep住用藥材浸住d鳳爪, 所以先有咁入味!! 無得彈脆皮蝦腸粉呢個脆皮蝦腸同我想像中有好大出入, 我仲以為係用d脆蝦黎做涵, 點知原來係另一種做法, 一咬落去就已經食到好香脆, 係廚師將佢個涵炸完再用腸粉皮卷住, 以至有兩種口味同時係呢個點心到出現, 好新奇同真係好好味!!!