十十四川料理 (已結業)

見到呢間新派川菜，一直都想試吓佢嘅酸菜魚！🔹老壇酸菜魚 $188 （例，可追加兩款配料，$18一款）老壇酸菜魚嘅魚肉新鮮，數量正常，食落都嫩滑。成碗都有好多薯粉同菇，但酸菜比較少。湯底味道偏向酸甜，個人認為辣度可以重少少，食落會比較惹味！今次仲追加左兩款配料，揀左鴨血同埋凍豆腐！凍豆腐吸曬酸菜魚嘅湯汁，係必選嘅配料。🔹神勝風沙單骨雞翼 $78炸到脆卜卜嘅蒜粒配上香脆脆單骨雞翼，真係幾好食！如果配上啤酒，感覺會更好！ 呢間餐廳仲有happy hour （3-7PM)啤酒供應，Hoegaarden 250ml ($50)/500ml ($70)。總結：另收茶芥，餐廳價錢少貴，裝修不錯，但個人認為可以有更好的選擇！