永真日本料理 (已結業)

今晚突然醒起田心村開左間新嘅日本菜餐廳，就去試下值唔值再去。餐廳入面約有6張4人枱，外面都約有4張4人枱，環境都算乾淨，由於限聚令，所以晚餐時間都唔算太多人，感覺似係家庭式經營。我地一家3口要分2張枱坐，但其實枱距離都好近🤭打開餐牌，都有幾多選擇，壽司單件價錢一般，都係1x-3x一件，每件壽司唔算大件所以唔算特別抵食，反而覺得啲湯麵，魚生飯或定食會抵食啲。今晚想樣樣試下，就散叫以下：小插曲，我試海膽壽司時發現有頭髮，好彩我習慣每次都會夾少少試下味先會成舊食落口，唔係就已食左落肚，即時扣晒分。