影片
大围真系一个美食天堂！除咗地铁站附近嘅其他地方多餐厅之外，附近都有好多种唔同嘅餐厅！今日我同男朋友就去咗田心村𠮶头觅食🤭 呢间日本餐厅真系称得上「隐世」，如果唔系男朋友带我黎，我谂我应该揾唔到😅 餐厅入边充满咗日本嘅元素，好多挂画同装饰都充满日本风。虽然餐厅好似冇乜客人咁，令我一开头以为食物质素麻麻哋，但点知食材几新鲜，而且性价比极高！真系又抵食又好味🤤！杂锦鱼生饭 ($75)本身想要𠮶刺身丼，但系可惜海胆卖晒哂🥲 所以我就转咗呢个杂锦鱼生饭set dinner。呢个set包左味噌汤、中华沙律同埋普通沙律🥗。至于鱼生饭方面，配料有三文鱼🍣、玉子🥚、甜虾🦐、𫠒红鱼同埋油甘鱼。虽然系普通嘅鱼生饭配料，不过佢啲鱼生都几新鲜👍🏻烧味淋鱼干 ($48)味淋鱼干系我每次去居酒屋必点嘅菜式，今次都唔例外🤭 呢间餐厅俾嘅份量算多，咬落去依然都系好香，不过质地偏硬有少少柴，如果软身啲就更好了🤪炸虾锅仔乌冬 ($58)呢一个乌冬，我只可以用「抵」来形容😆 $58 有一个食得饱嘅晚餐，除咗乌冬之外，入边配菜都唔少，有炸虾🍤、粟米🌽、冬菇🍄、蟹柳、菜🥬、蛋🥚、豆腐… 虽然系家常便饭feel，系性价比真心高！
继续阅读
一试家庭式餐厅。目测是一家人。点了两份三文鱼刺身、海胆寿司、野菜牛肉锅，牛油果海胆炒饭。刺身尚算ok,如果有刺身拼盘会更吸引。海胆寿司不过不失。牛肉锅的海很鲜甜。炒饭很香，但配料不多
继续阅读
我见呢间餐厅开左都半年，但从来都未有机会试下， 趁今日母亲生日，就带屋企人黎试下。我地一早就订左位，所以去到都唔洗等位，7点钟去到，间餐厅都几多人，好彩我地一早Book左位。我地叫左一个二人餐，寿司师博都推介左唔同既寿司比我地，烧馒鱼，鸡肉野菜锅，榴梿炸弹。佢地既馒鱼都烧得好靓，食落去都系热热的！最后，师博仲送左我地每人一粒大福。总括黎讲，呢间新开既日本餐厅，性价比都几高，价钱唔算贵。建议大家黎试试。
继续阅读
呢间系日式家庭料理🏠，喺大围站落，经过八爪鱼桥行过去，地方阔落同干净。一入间舖头老板好仔细咁介绍餐厅嘅特色食物。大部份食物都系即叫即做，保持住食物嘅鲜味。.《鹅肝寿司》⭐️⭐️⭐️必叫！薄薄地又充满油脂嘅鹅肝片，配埋圆形一口嘅寿司（好特别)，鹅肝煎得好香，送上来嘅时候啲油仲滴紧😍超香～最后再 encore 多碟！《杂锦刺身船》⭐️🍣吞拿鱼腩同三文鱼腩都好出色🤤 完全冇筋，甜虾亦都比出面嘅大只。所有刺身都好新鲜！《炸软壳蟹/ 三文鱼子手卷》🦀软壳蟹份量几多，食到去个底仲有，唔似平时食开嘅手卷，剩系得个面有𩠌。三文鱼子份量同寿司饭配合完美，赞！《芝味炸虾卷》⭐️⭐️⭐️系成块厚芝士 🧀 铺喺炸虾卷上面，好满足🤤《龙虾沙律/ 芥末八爪/ 海胆⭐️⭐️军舰》全部食材都好新鲜，钟意龙虾𠮶只酱，海胆好鲜味，八爪鱼保持鲜味唔会比芥味盖过！《炸虾天妇罗/ 野菜天妇罗》⭐️🍤炸粉唔多，炸得好香脆，连块薄荷叶🍃都炸埋，打卡都几靓。食嘅时候仲热辣辣，好脆身。《盐烧鸡皮》🐔薄同脆，送酒一流！《烧牛舌》⭐️⭐️🐮几软身，好入味，你唔太钟意食牛舌嘅fd最后都忍唔住食咗两旧🤭最紧要系够新鲜！《盐烧鸡翼》⭐️⭐️呢个做法好特别，好似半边鸡翼咁，烧得好脆同好香，调味适中，简单入口！🥤《蜜瓜味波子汽水》🍈🍊《蜜瓜/ 橙味汽水》.总结来讲，呢间日式店选材高级，嘢食非常新鲜！大厨好有心机咁呈现每一样食物最美味嘅一面，摆盘亦都好靓🤩环境非常舒服，同朋友吹水食嘢饮酒一流！除咗刺身小食仲有定食套餐，选择超多！.📍 沙田大围田心村199号［大围站 C 出口，步行约5分钟] *去之前记住留意营业时间啊！
继续阅读
本身住大围，都钟意食日本菜见到呢间野算系新而且又未食过，所以就去试有室内同室外选择，坐得阔落而且又安静鱼生饭比想像中平同埋好食三文鱼同𫠒红都正2人叫咗一个定食再烧三文鱼头同埋烧鳗鱼埋单都系$135/人值得再试
继续阅读