南大門

营业中

休息中

1月1號晚，鯉魚門好多海鮮酒家都坐唔滿，南大門就坐滿咗。環境好正，對住個海，夜色好靚。先去買海鮮，真係海鮮價，行多幾間比較下，最後分別喺兩間海鮮鋪買海鮮，買得多海鮮舖可以送魚湯料，送生果就一定㗎啦。記得同南大門講要佢送個湯，如果唔係會收加工費。海鮮加工好味，唔會太鹹太濕，必試咕嚕肉。珍姐招呼一流，由落單，上菜，換碟，都跟得好足。但上菜太快，個經理話你唔叫慢啲上，就係咁快㗎喇，驚上得慢啲客投訴喎。又唔係食法國菜，點會有人嫌佢上得慢啦，所以扣一粒星。芝士龍蝦米粉；薑蔥南非鮑魚煲；蒸東星斑都好好味。