影片
更多
2022-01-02
110 浏览
新一年第一個星期日，約咗朋友一齊去行山，去程坐小巴經過嘅時候，覺得個店名幾得意。行完山落嚟有啲餓，就去呢度食下午茶。到步嘅時候係大約下午四點 ，時間有啲尷尬，過咗下午茶少少，又未到晚飯時間，所以餐廳只係得兩成滿，坐得幾舒服。舖頭細細，中間整咗旋轉木馬設計嘅卡位，全部都係二人位，小情侶嚟，都幾有氣氛。如果幾個朋友一齊嚟就冇得坐啦。雖然係假日，但舖頭都有promotion，只要follow店舖IG account，下午三點至八點所有酒精飲品半價。飲品好多選擇，除咗一般餐酒同cocktail之外，仲有都有好多無酒精飲品。我揀咗 Pineapple Hat，朋友揀咗 Dirty Chocolate。菠蘿梳打有埋隻紅鶴，打卡一流🤣，菠蘿片好甜，飲品甜度適中，唔會太甜。朋友杯朱古力就略嫌有啲淡，朱古力味唔算太濃，靠賣相攞分。食物揀咗，小食拼盤、西冷牛扒10oz、燒春雞同火焰芝士麵包。小食拼盤有薯條、炸蝦、炸雞翼、炸魚蛋、炸秋葵、炸豆腐、烘多士兩片、配雞心豆蓉醬。除咗薯條，每款炸物有三件，啱啱好三個人一齊分，一人一件。朋友同我就覺得個豆蓉醬麻麻哋，好淡，同麵包又唔夾。西冷牛扒配薯條一齊上，牛扒底有啲
到步嘅時候係大約下午四點 ，時間有啲尷尬，過咗下午茶少少，又未到晚飯時間，所以餐廳只係得兩成滿，坐得幾舒服。
舖頭細細，中間整咗旋轉木馬設計嘅卡位，全部都係二人位，小情侶嚟，都幾有氣氛。如果幾個朋友一齊嚟就冇得坐啦。
雖然係假日，但舖頭都有promotion，只要follow店舖IG account，下午三點至八點所有酒精飲品半價。
飲品好多選擇，除咗一般餐酒同cocktail之外，仲有都有好多無酒精飲品。
我揀咗 Pineapple Hat，朋友揀咗 Dirty Chocolate。菠蘿梳打有埋隻紅鶴，打卡一流🤣，菠蘿片好甜，飲品甜度適中，唔會太甜。
朋友杯朱古力就略嫌有啲淡，朱古力味唔算太濃，靠賣相攞分。
食物揀咗，小食拼盤、西冷牛扒10oz、燒春雞同火焰芝士麵包。
小食拼盤有薯條、炸蝦、炸雞翼、炸魚蛋、炸秋葵、炸豆腐、烘多士兩片、配雞心豆蓉醬。除咗薯條，每款炸物有三件，啱啱好三個人一齊分，一人一件。朋友同我就覺得個豆蓉醬麻麻哋，好淡，同麵包又唔夾。
西冷牛扒配薯條一齊上，牛扒底有啲炒雜菜，可能一路浸住啲牛扒汁，所以有啲鹹。叫咗五成熟，但中間芯唔係粉紅色😂，不過肉質好淋。
燒春雞配燒番薯，番薯好香甜，仲有酸忌廉，好好味。雞肉幾嫩，唔點汁都好夠味。相比之下，燒春雞較牛扒出色。
至於個火焰芝士麵包，除咗用來拍片之外，都冇乜特別😂職員會喺芝士上淋酒，再用火槍燒。配兩片酸種麵包點芝士醬。芝士將上有apricot果醬。但放咗兩三分鐘之後，啲芝士已經好硬。
兩片薄麵包，加芝士醬都要$98 ，唔係好抵。
大部份食物都用鐵鑄鍋上，所以用餐時要小心唔好辣到。
總括來講，食物味道同賣相都唔錯，飲品賣相亦好好。職員有禮貌。值得去試👍🏻
张贴
