影片
更多
2018-02-22
2545 浏览
新年流流，係大食特食嘅時候。由團年飯開始連續食咗幾餐中餐，想食吓日本嘢，放題就最啱啦。日悅嘅平日晚巿放題$258-298/位，食足2.5小時，一於去馬。餐廳地方非常寬敞，喺中間嘅自助區攞嘢食都唔會覺得狹迫。天花板好多盞水晶吊燈同射燈，十分明亮。座位有好多都係梳化卡位，坐得舒適。呢度嘅地方大到仲要間多一個範圍做兒童樂園，有好得意嘅小木馬騎，又有黑板俾小朋友發揮創意。飲品都好多選擇，除咗凍飲常見嘅韓式忌廉溝鮮奶、啤酒、果汁、茶外，亦有熱飲例如西洋菜蜜、韓式菊花薑蜜等滋潤飲品。自助區甚至可以自斟梅酒同日本燒酒。放題食品種類唔算好多，基本嘅都有。自助區選擇就唔少，有水果、甜品、餐前小食例如海蜇、八爪魚、中華沙律、熟食例如煙鴨胸、凍食例如翡翠螺、凍蝦，亦有熱湯例如牛骨湯、味噌湯，糖水例如蓮子杏仁茶、黑糖蓮子紅棗茶。見到吞雲吐霧嘅刺身真係未食先開心。【大赤蝦】果然夠大，膠質感重，黏黏地嘅口感同濃濃蝦味，好正。【三文魚】都幾厚切。最正都係【松葉蟹腳】，唔係用仿蟹柳敷衍了事。火炙壽司相當不錯。左邊係【三文魚腩】，食落油香豐富再加微焦嘅香口。中間係【香蒜牛肋肉】，火炙完有點香脆但都有肉香蒜香。【鵝肝帶子
餐廳地方非常寬敞，喺中間嘅自助區攞嘢食都唔會覺得狹迫。天花板好多盞水晶吊燈同射燈，十分明亮。座位有好多都係梳化卡位，坐得舒適。
呢度嘅地方大到仲要間多一個範圍做兒童樂園，有好得意嘅小木馬騎，又有黑板俾小朋友發揮創意。
飲品都好多選擇，除咗凍飲常見嘅韓式忌廉溝鮮奶、啤酒、果汁、茶外，亦有熱飲例如西洋菜蜜、韓式菊花薑蜜等滋潤飲品。自助區甚至可以自斟梅酒同日本燒酒。
放題食品種類唔算好多，基本嘅都有。
自助區選擇就唔少，有水果、甜品、餐前小食例如海蜇、八爪魚、中華沙律、熟食例如煙鴨胸、凍食例如翡翠螺、凍蝦，亦有熱湯例如牛骨湯、味噌湯，糖水例如蓮子杏仁茶、黑糖蓮子紅棗茶。
見到吞雲吐霧嘅刺身真係未食先開心。【大赤蝦】果然夠大，膠質感重，黏黏地嘅口感同濃濃蝦味，好正。【三文魚】都幾厚切。最正都係【松葉蟹腳】，唔係用仿蟹柳敷衍了事。
火炙壽司相當不錯。左邊係【三文魚腩】，食落油香豐富再加微焦嘅香口。中間係【香蒜牛肋肉】，火炙完有點香脆但都有肉香蒜香。【鵝肝帶子】粒鵝肝就真係太細，味道唔夠突出，不如用芝士可能更好食。
【帆立貝北海燒】芝士加沙律醬焗嘅帆立貝，熱辣辣又惹味。
炸物都幾多選擇，【天婦羅蝦】就必食啦，【芝士年糕】芝士味香濃。最好食係【芝麻雞翼】外皮炸得脆，雞肉嫩滑又juicy。
一品料理叫咗兩款牛：【蒜片牛柳粒】雖然只得4-5粒，但有啲都幾大粒，肉質軟腍又多肉汁。【和牛薄燒】就大大碟，唔係啲低質肥牛，肉香夠又肉味濃。
燒物之中【鹽燒牛舌】都幾好食，爽口彈牙又燒得惹味，鹹度適中。
食食吓突然聽到鐘聲響起，原來係叫人排隊嘅信號，有乳豬食，係要排隊出去料理枱攞，係師父即切嘅，乳豬皮脆肉嫩，肥瘦適中，不錯。
見到Mövenpick同Häagen-Dazs兩大雪糕名牌，一定要留肚食啦。不過我地夜咗少少，Mövenpick冇晒朱古力味，得返士多啤梨同意大利奶凍，Häagen-Dazs就得返雲尼拿味。
當晚好多枱都有十個八個食客，地方夠大時間又夠長，多人去食又可食多幾款，又夠時間歡聚，實在係一個好選擇。
张贴
