鍋先生海鮮火鍋菜館 (已結業)

新年前，梗係要見下朋友。呢間餐廳由朋友介紹，主要食雞煲火鍋。又可以食刺身又可以食雞煲，一次過滿足兩個願望。😍😍😍叫咗個鮑魚雞煲，足料@有好多粒鮑魚。女人食鮑魚，啱晒夠滋陰🤗🤗🤗講番隻雞先，雞肉好入味都好夠味。唔似雪藏雞，冇咩雪味。海鮮拼盤都夠新鮮，本身好怕啲顯有砂粒，但食落啲蜆無沙👍🏻海鮮都算洗得乾淨👍🏻同埋味道同個雞煲味都match.呢度嘢飲係任叫，飲完可以叫侍應拎。另外呢間餐廳好特別，入面好多叮噹公仔擺設，原來老闆好鍾意叮噹。好有童真。如果食完有個豆沙包就好啦🤣🤣🤣🤣呢間餐廳性價比高，六個人埋單都係二百幾蚊，嘢飲任飲算係咁👍🏻回頭率高💁🏻‍♀💁🏻‍♂