Ambrosia Oyster Bar & Grill (已結業)

新年想食出外用餐都係一件幾困難既事~1) 要諗下有冇開門做生意, 可以去食既地方少左~2) 新年可能係食另一個SET, 平日個D就冇~3) 有都唔係果個價錢, 唔抵左~呢間係冇以上既問題, 同埋個環境太好, LOCATION 更加係方便, 我次次都諗, 同男友黎食, 無論早/午/晚我都覺得好正, 因為好多兩人檯都係SET左面對出面, 好似背後有幾多人都唔關我事咁! 係一蹶絕對既二人世界~我地呢個午餐, 一個揀左三文魚沙律, 一個揀左湯。作為前菜，個湯又或者個沙律，我都覺得份量好足，唔會話唔好食又或者食到＂到喉唔到肺＂，所以我地先冇叫生蠔，因為驚食唔晒～沙律入面既橄欖簡直係為我而設，　有３款，都係我既至愛！主菜我地ＳＨＡＲＥ一齊食，個龍蝦新鮮，個汁包住隻龍蝦，所以龍蝦冇被燒乾～再搭埋個新鮮炸起既薯條，雖然＂新正頭＂已經食左好多煎炸野，不過你會好想食，我地兩個食到停唔到口！個件煎ＳＮＡＰＰＥＲ比起想像中大件，魚身剛剛熟，所以好嫩滑！一路食，一路傾計，可能因為係年初二，個個要拜年，所以都唔多人黎，所以慢慢食係完全冇壓迫感。成個氣氛都好ＲＥＬＡＸ，好舒服。