篤篤船麵 (V Walk)

营业中

休息中

早幾日同朋友去行南昌嘅新商場v walk，畢竟係新商場人流唔算多，而且都幾好行，我同朋友都差唔多逛足一日。經過見到呢間食泰式船麵嘅都幾吸引，細碗仲要只係$13，所以就入去食個lunch。呢碟肥牛金邊粉湯底牛肉味濃郁，但又唔會太油膩，金邊粉吸收晒湯底嘅精華，味道不錯。鴨血全蛋麵 冬陰公湯底豬紅就食得多，鴨血就真係相對少見，朋友叫了個鴨血全蛋麵，再揀左冬陰公湯底，湯底酸酸辣辣咁越食越開胃！小食方面分別叫了蔗蝦同蝦餅，每樣都只係$16，兩樣小食送上來嘅時候都夠熱辣辣，蝦肉爽口彈牙，蔗亦清甜，另外蝦餅亦炸得香脆可口，今餐簡直係物超所值！