篤篤船麵 (V Walk)

营业中

休息中

晚餐時間經過，見到呢間舖頭入面都幾多人，諗住應該唔差，所以入去試下。叫左正宗泰式海南雞飯 跟餐可以加配小食，小食可選酸辣鳳爪沙津/雞翼4隻/魚餅3件/蝦餅2件。海南雞還好，雖然肉質唔係超滑，但尚算合格。反而油飯非常乾身，口感粗糙，完全無法搭配海南雞的美味。泰式香茅豬扒河，加$10轉為篤篤湯底，湯底味道顯得有些過咸。至於豬扒，肉質偏硬，吃起來缺乏應有的鮮嫩感。反而酸辣鳳爪沙律比較出色，醬汁酸酸辣辣，配有洋蔥和紅蘿蔔絲。總括而言，呢一餐非常失望😵‍💫，實在不值推薦

大概8點半入座都坐滿人咁濟🫶🏻睇黎係深受街坊歡迎既食店鐘意佢半空既設計 無咁侷促海南雞船湯河 $70有全蛋麵 米粉 等等可以揀而我今次揀左金邊粉見到佢個湯底咁深色都知夠正宗！！湯底好香濃每條金邊粉都染哂色 勁入味😍每啖都食到爽口既芽菜同通菜 配料同口感都好豐富重口味人士仲可以另外再加醋浸辣椒/辣椒粉/魚露/糖 個人推介要加辣椒粉🙂‍↕️海南雞大件夾抵食😍啲雞肉屬於比較厚實 如果雞皮既脂肪比例少啲會更好👍🏻跟餐加配左小食 - 炸蝦餅 $24好香蝦味 一咬開發現啖啖蝦肉😋跟餐 加凍泰式奶茶 $8味道夠正宗👍🏻

今日2點多啲行過黎食，環境舒適，座位唔逼🍀是日點餐🍀午市套餐：海南雞金邊粉海南雞份量大大份，入口嫩滑，配上酸辣汁好正🤤至於金邊粉嘅湯底濃郁，夾埋香菜送雞好好味C啲粉亦都軟硬度適中，份量正常，呢個價錢算ok |👅：5/5配粉絲春捲春捲入面有粉絲、木耳、生菜絲，一口咬落去非常脆口又多餡，配埋小小甜酸醬，食到人停唔到口🤩 |👅4.5/5仲送埋野飲，幾抵食！Overall:Service 好好，環境幾乾淨～

今日晏晝去咗V Walk篤篤船麵點咗個船麵配青檸梳打我覺得全面個湯底比較甜 感覺一般般但係佢啲料比較足 如果辣少少就好啦配埋杯青檸梳打 整體嚟講還可以環境都算OK ，仲有可愛嘅畫風🇨🇷

今日同朋友來了這餐廳吃泰國菜。泰式豬頸肉飯（$72）：泰式豬頸肉肉質鮮嫩，外脆內嫩，嫩滑的口感令人印象深刻。金黃的肉片、翠綠的蔬菜和白色的米飯形成鮮明對比，讓人食欲大開。香氣撲鼻，無論是視覺還是嗅覺都能引起食慾。泰式蝦餅（$24）：泰式蝦餅呈金黃色，咬下去時酥脆的外層與內部嫩滑的蝦肉形成對比，這種口感的層次感讓人十分享受。海南雞拼豬頸肉冬蔭功湯金邊粉（$88）：海南雞肉質鮮嫩，雞肉色澤光滑，搭配特製的蘸醬，可以提鮮更美味。非常適合與濃郁的湯品相搭配。豬頸肉肉質嫩滑，油花分布均勻，煮熟後口感豐富。搭配海南雞，增添了豐富的肉類口感。冬蔭功湯以酸辣為主，香氣撲鼻而來。金邊粉是一種米製粉條，韌性十足。它能夠很好地吸收湯的味道，搭配冬蔭功湯會非常美味。湯汁粘附在粉條上，帶來一口咬下去的濃郁風味。

幾年前喺附近返工已經聽過呢間篤篤船麵，但一直lunchtime都未有機會食到。不過最近知道有火山排骨食之後，就成日心郁郁想過返黎食😂今晚終於約到fd陪我試下！火山排骨我地配左金邊粉，佢個湯底唔會過酸過辣，而且好香噴噴，覺得係好岩香港人口味。排骨煮到好腍但又唔會太老。金邊粉放埋落煲好索味好好食呀！排骨仲可以優惠價追加小食，我地呢個係泰式蝦餅2件。仲有想一提店員好細心，提我地個鍋滾左就叫佢幫我地熄火，以免個湯底煮到過咸🫶🏼另外嗌左份單骨雞翼（10件）同油菜。雞翼煎得勁香，好香蒜香味架，好味到大家搶住食🤭兩杯野飲係熱檸檬水&熱柚子蜜。

泰式豬頸肉全蛋麵清湯 Thai Pork Jowl Egg Noodles Soup $68🍜🌿 豬頸肉外皮焦脆🔥！ 全蛋麵幼身彈牙掛湯一流，吸附清甜湯底更顯鮮味～ Pork Jowl has crispy edges! Egg Noodles are thin yet springy, perfectly coated in broth.- Queuing Time：nil - 排隊時間：不用排 - Serving Time：3 mins - 上菜時間：3分鐘 - Tasty Index (好味指數)：8/10 (圖中價格為港幣) (The prices in the picture are in Hong Kong dollars.)

最近我去咗位於港鐵南昌站vwalk商場嘅「篤篤船麵」，真係一個唔錯嘅選擇！餐廳環境整潔光明，仲有泰國風格嘅擺設，令人覺得好舒服。我哋點咗泰海鮮冬蔭公湯金邊粉，份量充足，可以二人（不過係二人女孩子胃）分享。湯底酸辣適中，海鮮新鮮，金邊粉吸收咗湯汁，口感滑順，食落去真係好滿足。泰式炸魚餅五件，外脆內嫩，有香料同魚蓉嘅混合口感同味道，搭配泰式醬汁，味道十分開胃，令人一口接一口。酸凍無骨鳳爪沙律偏辣，口感爽脆，非常適合鍾意食辣嘅朋友，味道幾特別，增添咗餐桌上嘅變化。最後，椰子水清新解渴，完美收尾。總體而言，「篤篤船麵」嘅食物味道好，環境佳，服務態度亦很好，絕對值得再來！如果你想試下泰式平民餐，呢度真係一個好選擇！

無無聊聊嚟V walk 行下，正直午餐揀咗呢間～篤篤船麵。叫咗二樣～泰式牛丸河粉，同午餐～泰式海南雞拼脆香腩肉。泰式牛丸湯河～sorry,視覺真係麻麻所以無影相，五六粒細牛丸加清湯河粉。其實如果你秘制船湯底同埋冬陰功湯加錢真係無可厚非，牛丸普遍都係配牛湯底，加十蚊就無謂益你。到呢個海南雞拼脆香腩肉，我仲以為佢類似香港嘅燒肉，型態係似，但無一忽係「脆」，仲要舊腩肉好「韌」，無返咁上下牙力，真係唔好試。海南雞正正常常，但又有問題，個廚唔知係咪未食飯，連切雞都無力，面頭幾舊啲皮都未切開，一夾起就一串雞，真係咁都得？咁但係二樣嘢，攞盤ok,味道正常，咁我都俾佢哋合格。二個小食都係正常味道，所以無乜好講。埋單$186回頭度：5/10

去南昌個商場，見到呢間Thai式餐廳，咁耐無食Thai國野，一於入去試試。餐牌都幾多選擇，由於唔想諗，所以就叫咗個寫住免加一的二人餐，簡單直接方便。單骨雞翼: 拆咗半邊骨，方便入口，即叫即炸，夠香脆!酸辣鳳爪沙律: 都幾大份，仲以貵佢只會係一隻正方形碗仔份量的鳳爪only，有誠意肉碎煎蛋飯: 味道正正常常豬頸肉船湯河: 湯底香濃，豬頸肉大大份，餐廳招牌真係招牌😜椰汁糕拼千層糕： 最驚鋪頭雪到硬一硬就拎出來，食落微凍，口感剛好，椰子甜品🥥泰式奶茶：滑溜奶味重

下午入去呢間越南餐廳食個lunch。我地4 ladies叫咗個3人餐，吃唔哂。佢份量幾多。有幾款小食，有湯麵，有飯，好多選擇！味道還好。正常發揮我鐘意食佢的豬頸肉同無骨鳳爪。

肥牛船湯河船湯河可以選擇米粉跟金邊粉，但我總覺得配搭金邊粉是最好的，金邊粉完全吸收了濃郁的湯汁，湯頭香醇濃郁好惹味，夠晒正宗。除了肥牛外，還有豬紅、炸豬皮、豬肉丸等配菜。肥牛肉質鮮嫩彈牙，豬紅更添回甘醇厚，而炸豬皮則提供了酥脆的口感，帶來不同的口感和風味。.海南雞拼豬頸肉冬陰功金邊粉 $88食泰菜船面又點少得冬陰功湯底，酸辣的味道恰到好處，讓人食慾大開，湯底的辛辣感不會過於強烈，適合各種口味的人享用。.配料方面揀左海南雞拼豬頸肉，一次滿足兩個願望。柔嫩滑溜的泰式海南雞，雞肉鮮嫩多汁，雞皮更是金黃色誘人，帶有微微的啫喱膏貼附，入口即化的美味。而燒豬頸肉，內裏依然鮮嫩多汁，肉汁滿溢。.泰式魚餅 +$24加配小食泰式魚餅，任何一款主食中加購一道小食。魚餅不油膩，而且口感彈牙濃郁。.泰式奶茶 +$8食泰菜又點少得泰式奶茶，茶香濃郁、奶香滑順，不會過於甜膩，恰到好處。.😋整體食物質素：4 / 5💰性價比：4 / 5👍推薦指數：4 / 5

睇戲之前喺呢間泰國菜食飯，啲嘢食又平又正✅泰式海南雞（半只）$118雞皮好薄同夠爽，雞肉口感嫩滑多汁，而且件件都啖啖肉，好滿足✅泰式豬肉丸金邊粉$55金邊粉條Q彈有嚼勁，搭配鮮嫩多汁的豬肉丸，豬肉丸口感彈牙，肉質鮮美，咬落去係食到肉汁的鮮甜。湯汁濃郁，加入了泰式特色的香料和調味料，令人幾開胃✅油菜$28油菜炒得恰到好處，保持了蔬菜的鮮嫩口感同食到到油菜的自然香甜，好岩出街食飯但又想食吓菜嘅人，好推介

今日晚餐黎到食泰國菜。一直係vwalk都唔知有咩好食，又唔想食大企業。第一次見有pad thai 配海南雞😂😂 幾特別，金邊粉配達芽菜，同埋橋頭。海南雞份量算多，仲配醬汁。另外叫左個泰式肉碎煎蛋飯，夠辣，太陽蛋煎得唔錯。 有basil！加配左個春卷，同埋蝦餅。 出黎熱辣辣。另外叫左個凍泰奶。餐廳環境坐得舒服，服務都好， 會貼心提醒奶茶係少甜，想甜d可以提出。 見到隔離檯叫個火鍋set都幾大份，下次可以試下。

平時去呢頭，好少入商場食嘢，啱啱出糧，都可以對自己好少少嘅。食完間裝修咁靚嘅舖頭，每個地方都色彩繽紛，原來一個人唔會過百，算係咁啦！睇餐牌食咩豬扒撈金邊粉 走辣 $68呢度出名船麵，不過見到撈金邊粉好吸引。顏色同一般炒金邊粉一樣，都係橙紅色，酸酸甜甜，最大嘅分別就係無左豆腐乾，同埋餸放一邊。原本想食豬頸肉，午市都好多人叫，豬頸肉原來要醃三個鐘，所以賣曬無咁快補到，所以我就改食豬扒啦！豬扒煎得幾香，點埋個泰式醬汁，酸酸甜甜，少少芫荽子，雖然口感唔同，但味道係平時食豬頸肉嘅味。香茅雞翼 +$22呢個賣相除左單骨之外，賣相都符合我地對香茅雞翼嘅期望，上面好多炸香嘅香茅。不過因為另外再加左炸蒜，又有魚露調味，味道比我地食開嘅濃味。外皮炸得乾身香口，都有保留少少肉汁，非常收貨。凍泰式奶茶 +$8非常足夠煉奶味，配紅茶好適合，唯一一樣遷就香港口味，就係甜度減低左，所以又無需要好似泰國咁多冰。合計 $98