新合發飯店

营业中

休息中

朋友揸車去咗大圍，揀咗可以泊到車嘅新合發飯店。我哋幾個叫咗幾樣小菜，分別有咕嚕肉、蜜椒汁豬扒、春菜腩肉同香煎牙帶魚，有啲食咗大半先影相。呢度啲咕嚕肉同香煎牙帶魚都算OK，咕嚕肉個炸漿幾薄，又唔會有太多肥膏。乾炒牛河，每條河粉表面都有豉油，炒得夠乾身，唔會一舊舊咁。雖然香口，不過對女仔嚟講就真係有少少油。香煎蠔餅，炸得好香脆，入面啲蠔仔都唔少，唔係得幾粒仔，都唔錯。小菜嘅表現都算合格，勝在可以泊到車。