天天海南雞飯 (太古城中心)

营业中

休息中

今日同朋友去咗太古城中心嘅「天天海南雞飯」開餐，試咗幾款招牌菜，整體來講有驚喜！😍🐔天天海南雞（中份）🔥主角登場！雞肉真係做到「骨都有味」嘅境界，皮爽肉嫩💯。最正係佢哋嘅三色醬——黑豉油濃郁、薑蓉辛香、辣椒醬醒胃，點咩醬都咁夾😋。中份份量夠2-3人share，抵食！🔥火焰石燒沙嗲串串🍢上枱時店員即場點火，視覺效果滿分！👏沙嗲醬花生香超突出，帶微微辣勁，雞肉同豬頸肉串都醃得入味。石燒keep住串串溫度，食到尾都係熱辣辣😆。🍈杏汁木瓜花膠燉雞湯🍲呢個湯真係女士恩物！杏汁味濃但唔澀，木瓜燉到融化晒，花膠厚身又彈牙，飲完成個胃暖笠笠☺️。睇得出真材實料，$68一碗絕對值回票價👍。🇸🇬新加坡原味豆腐花加美祿🍫一上枱就聞到陣陣豆香，豆腐花質地滑到好似絲綢咁，入口即化！✨加埋美祿粉有種童年回憶嘅味道💛。凍食好清爽，做前菜或者甜品都一流！總評🌟環境乾淨企理，服務貼心，人均$200左右食到咁高質新加坡菜，會再encore！特別推薦海南雞，同埋記得留肚試豆腐花～